| e-texts navigator |
| བོད་ཡིག |
118a1 'phrog ma ni/ /gnod sbyin chen mo gsungs pa dang / /gnod sbyin ma kun g.yos nas su/ /dngos grub phyir ni mngon phyogs gyur/ /khro mo'i 'khor lo gnod sbyin ma/ /brgyad dbus 'phrog mas brgyan byas te/ /lcags kyu 'bras bu ne'u le can/ /gnod
118a2 sbyin brgyad kyis bklubs nas su/ /gnod sbyin ma kun bsgrub par bya/ /de nas bcom ldan 'das kyis nad chen po thams cad las rnam par rgyal ba'i rdo rje zhes bya ba'i ting nge 'dzin la snyoms par zhugs nas mi ngas chen po zhi bar mdzad pa'i rig sngags ri khrod kyi shing lo can
118a3 ma 'di gsungs so/ /oM pi shA tsi par+Na sha ba ri/ sarba mA ri pra sha ma ni hU~M phaT/ de nas rig sngags che gsungs pas/ /sangs rgyas zhing rnams rab tu g.yos/ /gnod byed nad 'gro srin po dang / /sdang ba rnams kyi snying yang zags/ /yam shing 'o ma can dang til/ /'o
118a4 mas du ba zhi bar 'gyur/ /nam mkhar kun nas rig sngags kyi/ /rgyal mos legs par bkang nas su/ /bdud rtsi char 'bebs bsams na ni/ /mod la gnod pa zhi bar 'gyur/ /rgyud kyi rgyal po chen po sgyu 'phrul gyi dra ba las 'di ni gsang sngags kyi ye shes rnam
118a5 par bsgyings pa'i rim par phye ba'i le'u ste lnga pa'o/ / //de nas bcom ldan 'das rnam par snang mdzad chen po rdo rje de bzhin gshegs pas phyag na rdo rje la 'di skad ces bka' stsal to/ /sku gsum ye shes kyi rdo rje las yang dag par byung ba lag pa'i phyag rgya tha dad pa
118a6 rnams mnyam par gzhag pa'i sems kyis nyon cig / gang zhig bcings pa tsam gyis ni/ /sdig pa kun las rnam grol zhing / /'di na lus ni byin rlabs te/ /rang gi gzugs su rnam bsgoms na/ /sangs rgyas nyid kyang thob 'gyur na/ /dngos grub gzhan lta
118a7 smos ci dgos/ /lag pa gnyis khu tshur bcangs pa las mthe bo gnyis bteg pa ni de bzhin gshegs pa'i ste/ sku byin gyis brlab pa'i phyag rgya'o/ /de nyid las g.yon pa'i mthe bo nang du bcug ste/ g.yas pa'i mthe bo bteg pa ni 'jig rten dbang phyug gi
iiif viewer powered by OpenSeadragon
Texts on this page
D466 - rgyud kyi rgyal po chen po sgyu 'phrul dra ba zhes bya ba