| e-texts navigator |
| བོད་ཡིག |
116b1 gi mchog / kye ma'o gsang ba kun 'dus pa/ /kye ma'o zhi ba chos kyi tshig /ye shes rdo rje phur bu rmad/ /gsang sngags kun gyi phur bus 'di/ /bde gshegs bka' yi rjes su byed/ /'di dag sangs rgyas kun gyi ste/ /phur bu de nyid rnams las byung / /de nas bcom
116b2 ldan 'das kyis chom rkun thams cad mdongs par byed pa'i rdo rje zhes bya ba'i ting nge 'dzin la snyoms par zhugs nas rig sngags kyi rgyal mo chen mo 'od zer can 'di gsungs so/ /o~M mA rI ts+yai de ba tA yai swA hA/ rig sngags gsungs pa'i mod la ni/ /dbang chen grags
116b3 pa'i sangs rgyas kun/ /thugs ni dgyes shing mgu bar 'gyur/ /sras rnams kyi ni spyan yang phye/ /'di ni las rnams thams cad ma/ /chom rkun sdang ba 'ching mdzad ma/ /'di yi sbyor ba la gnas na/ /'gro ba'i tshe na mthong mi 'gyur/ /de nas bcom ldan
116b4 ' das rnam par snang mdzad chen po rdo rje'i de bzhin gshegs pas sdang ba thams cad rnam par 'joms pa sems can thams cad sgrol bar byed pa'i ye shes chen po'i stobs kyis rnam par rgyal ba zhes bya ba'i ting nge 'dzin la snyoms par zhugs nas stong chen po rab tu 'joms
116b5 pa'i rig sngags kyi rgyal mo 'di gsungs so/ /o~M ma hA sa ha sra pra marda nA ba ra sid+d+hiM da mI ge ma Ni badzra Ni hU~M phaT swA hA/ de nas rig sngags che gsungs pas/ /sangs rgyas zhing rnams rab tu g.yos/ /byang chub sems dpa' thams cad dang / /bdud kyi ris rnams g.yos
116b6 par 'gyur/ /gtso bo rdo rje snang mdzad pa/ /thams cad tshig bzhin btud nas su/ /bcom ldan rig sngags mthu stobs kyis/ /gnod bgyid thams cad gzer lags so/ /gang na rig sngags stobs mo che/ /pha rol gnon pa 'di zlos pa/ /der ni bdag cag mi mchi zhing / /
116b7 der ni srung ba dag kyang bgyi/ /de nas bcom ldan 'das rnam par snang mdzad chen po rdo rje'i de bzhin gshegs pas/ brgya byin mngon par mtho ba'i stobs lha ma yin rnam par 'joms pas rnam par rgyal ba'i rdo rje zhes bya ba'i ting nge 'dzin la snyoms par zhugs nas rgyal mtshan
iiif viewer powered by OpenSeadragon
Texts on this page
D466 - rgyud kyi rgyal po chen po sgyu 'phrul dra ba zhes bya ba