| e-texts navigator |
| བོད་ཡིག |
112b1 tu bdud kyi ris thams cad dang / sangs rgyas kyi zhing rnams rab tu g.yos te sku gsum gyi mchog gtso bo rnam par snang mdzad dran par gyur to/ /sangs rgyas thams cad kyi sbyor ba'i tshogs bskul na brgya rtsa brgyad bzlas brjod byas pa tsam gyis mod la
112b2 khro bo chen pos gsod par byed do/ /de nas bcom ldan 'das rdo rje'i de bzhin gshegs pa mi 'khrugs pas bkod pa kun tu rnam par 'phro ba'i rdo rje zhes bya ba'i ting nge 'dzin la snyoms par zhugs nas stobs po che rdo rje 'di sku gsum las phyung ngo / /na maH
112b3 sa man+ta bud+d+hA nA~M/ o~M hU~M hU~M hU~M/ phaT phaT phaT/ u gra shU la pA Ni hU~M hU~M hU~M phaT phaT phaT/ o~M dz+ya ti ni ranA da hU~M hU~M hU~M phaT phaT phaT/ o~M ma hA ba lA ya swA hA/ de nas khro bo gsungs tsam gyis/ /gdengs ka yis ni bskor ba kun/ /yid ni shin tu 'jigs skrag ste/ /
112b4 rdo rje rnam par snang mdzad dran/ /gsang sngags rgyal po bzlas pa yis/ /las kun rab tu grub par byed/ /char pa che na gcod 'gyur la/ /char pa chung na rab tu 'bebs/ /de nas bcom ldan 'das kyis kun tu 'bar ba'i snying po rdo rje zhes bya ba'i ting nge
112b5 'dzin la snyoms par zhugs nas khro bo chen po 'dod pa'i khro bo 'di rdo rje sku gsum rnams las phyung ngo / /na maHsa man+ta bud+d+ha nA/ Tak+ki hU~M dzaH/ de nas khro bo gsungs pa yis/ /sangs rgyas thams cad rab tu 'dar/ /byang chub sems dpa' rnams kyang skrag /
112b6 bdud kyi dpung rnams ltung bar 'gyur/ /rkang g.yas sna tshogs rdo rje yi/ /sbyor bas mtshan ni mnan nas su/ /sku gsum ye shes stobs ldan pas/ /khro gnyer rim par gnyer byas te/ /gsang sngags kun gyis bkug nas su/ /sems can
112b7 thams cad dbang du byed/ /de nas bcom ldan 'das rnam par snang mdzad chen po rdo rje'i de bzhin gshegs pas rdo rje rab tu 'bar zhing khro ba'i ye shes rab tu 'bar ba zhes bya ba'i ting nge 'dzin la snyoms par zhugs nas rdo rje khro bo mi g.yo ba gtum po 'di rdo rje sku gsum
iiif viewer powered by OpenSeadragon
Texts on this page
D466 - rgyud kyi rgyal po chen po sgyu 'phrul dra ba zhes bya ba