| e-texts navigator |
| བོད་ཡིག |
102a1 bsgom/ /gal te byang chub mchog 'dod na/ /rin chen skur ni bsgom par bya/ /pad+ma'i gzugs kyi 'jo tshul sangs rgyas kyi rgyal ba 'dren pa'i ye shes rdo rje zhes bya ba'i ting nge 'dzin to/ /tA yi ye shes las bsgrubs pa/ /lha mo sgrol ma rdzu 'phrul
102a2 can/ /'jo sgeg cha lugs la gnas pa/ /zhal ras gsum pa spyan gsum pa/ /phyag drug sems dpa'i skyil mo krung / /bzhad pa margad 'od dang ldan/ /dang po mi 'jigs sbyin pa'i phyag /gnyis pa na ni rdo rje bsnams/ /gsum pa na ni mda' yang gsor/ /
102a3 g.yon pa bsdigs pa'i mdzub mo ste/ /gnyis pa na ni ut+pal nyid/ /gsum pa na ni gzhu yang 'dzin/ /'od zer dmar po 'bar ba can/ /sangs rgyas 'phro bas rgyas mdzad pa/ /dga' mdzad sems can kun gyi ma/ /rtag par rgyun du bsgom par bya/ /
102a4 sems can thams cad dbang du 'gro zhing dga' bar byed pa'i ye shes rdo rje zhes bya ba'i ting nge 'dzin to/ /skyes mchog rgyal bas gsungs pa yi/ /sems ma bzhi ni brjod pa'i ming / /sems ma dang ni rin chen ma/ /chos ma rdo rje las ma ste/ /rol pas rjes su
102a5 mnyes mdzad ma/ /de dag ji ltar rigs par bsgom/ /de dag kyang ni bsgoms pa yis/ /ring por mi thogs byang chub 'thob/ /sems can rab tu dga' byed pa'i/ /'phags ma bzhi yi ting nge 'dzin to/ /tsu~M gi yi ge las bsgrubs pa/ /ming ni skul byed
102a6 ces ma'i gzugs/ /sku gsum rgyal ba bye ba phrag /bdun gyis gsang sngags glu yis bstod/ /yi ge dgu pa thabs dgu can/ /lha dgu rnams kyi gnas kyang yin/ /zhal gsum ston ka'i 'dam bu'i mdog /rgyan rnams kun gyis brgyan pa ste/ /
102a7 na chung skal ldan dar la bab/ /rig sngags thams cad sgrol mdzad ma/ /dang po'i zhal ni cung zad tsam/ /bzhad cing spyan gsum ldan pa ste/ /g.yas kyi zhal ni rnam gdangs pa/ /ut+pal sngon po 'dab ma'i 'od/ /mche ba zla ba tshes pa bzhin/ /lce
iiif viewer powered by OpenSeadragon
Texts on this page
D466 - rgyud kyi rgyal po chen po sgyu 'phrul dra ba zhes bya ba