| e-texts navigator |
| བོད་ཡིག |
99a1 su brjod/ /zhi la rdo rje slob dpon gyi/ /snying ga'i dbus son rnam bsgom bya/ /yid bzhin nor bu lag bsams nas/ /'di ni dag pa'i tshul mchog go/ /rnam par snang mdzad gzugs brnyan che/ /pad+ma'i yon tan 'byung ba la/ /
99a2 gzugs ni 'dod chags rigs mchog go/ /gzugs ni 'dod mchod rdo rje can/ /las bzhi'i rab tu dbye ba las/ /sngags kyi yi ge dgod byas nas/ /bcom ldan 'das gsang ba'i sbyin sreg rdo rje 'chang chen pos de skad ces gsungs so/ /gnyis su
99a3 med pa mnyam pa nyid rnam par rgyal ba'i rtog pa'i rgyal po chen por de bzhin gshegs pa thams cad kyi sngags yid bzhin nor bu'i le'u ste nyi shu pa rdzogs so/ / //de nas bcom ldan 'das phyag na rdo rjes de bzhin gshegs pa thams cad kyi
99a4 stobs kyi sngags kun las btus pa zhes bya ba'i snying po'i le'u 'di gsungs so/ /sangs rgyas rdo rje chos chen po/ /'dod pa'i dam tshig dgyes pa po/ /sngags rnams thams cad yang dag dmigs/ /de yi bsam gtan rab bskul bya/ /dam tshig
99a5 ye shes sangs rgyas kun/ /rigs dmigs dkyil 'khor tshul gyis ni/ /gzugs ni sangs rgyas mtshungs pa'i 'od/ a~M yig ye shes dbye ba yis/ /'di ni rdo rje'i tshul bstan pa'o/ /ral pa'i cod pan longs spyod pa/ /kha dog dkar po shin
99a6 tu mdzes/ /phyag bzhi pa la spyan yangs pa/ /me stag 'thibs pas kun du 'khrugs/ /rnal 'byor mchod phyir thogs la sogs/ /brgyan cing dkyil 'khor la sogs pa/ /cod pan du ni rdo rje sems/ /mdzes pa'i gzugs ni rgyal ba'i
99a7 gzhi/ /dbang po gnyis kyi rab sbyor bas/ /'di ni bsam gtan tshul mchog go/ /sku yi rdo rje'i sogs sbyor gyis/ /mngon shes lnga yi rab sbyor las/ /rkang gnyis mchog de nyid shes pas/ /thod pa can gyi gtso bor brjod/ /sangs rgyas kun
iiif viewer powered by OpenSeadragon
Texts on this page
D452 - 'phags pa gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po