| e-texts navigator |
| བོད་ཡིག |
98b1 phreng ba mtshungs pa'i 'od/ /kun gyi las can gsang sngags kyi/ /rjod pa rnams kyis brjod byas nas/ /ral gri 'bar bas 'khrugs pa'i sems/ /'phro zhing 'thibs pa kun du 'khrugs/ /khru gang tsam du yang dag bskyed/ /khro bar byed pa'i khyad par bya/ /
98b2 pho nya mngag gzhug sogs sngags rnams/ /rdo rje'i dkyil 'khor sgom pa'o/ /nyi ma'i dkyil 'khor sbyor ba las/ /sgom pas mchog tu mthong bar 'gyur/ /dbyug pa tho ba dgra sta dang / /zhags pa paT+Ti sa sgom pa'i/ /cho gas bsgom par byas
98b3 nas ni/ /rdo rje 'chang rnams mnyes par byed/ /'di de sngags rnams thams cad kyi/ /sku gsung thugs kyi sgom pa ste/ /rdo rje ye shes can gyis gsang / /ye shes dngos grub can du brjod/ /bcom ldan 'das rdo rje sems dpas de skad ces
98b4 gsungs so/ /gang zhig dngos grub mchog 'dod na/ /cho ga shes pas sbyin sreg bya/ /de nyid gsang ba'i ting 'dzin gnas/ /rnam pa sna tshogs sbyin sreg brtsam/ /dkyil 'khor bzhi yi sbyor ba las/ /rigs kyi las ni sgrub par byed/ /oM
98b5 yig sngags kyi dbye ba yis/ /sgom pas dngos grub thob par 'gyur/ /zhi ba can la dkyil 'khor zlum/ /rgyas pa can la zur bzhi pa/ /mngon spyod la ni gru gsum mchog /dbang bya gzhu yi rnam pa'o/ /zhi la me yi dbus son par/ /
98b6 bdud rtsi lta bur bsgom par bya/ /de nyid la ni lha yi gzugs/ /rang gi tshul gyis bsgom par bya/ /bdag nyid bdag po'i tshul gyis ni/ /'di ni rdo rje'i tshul las byung / /kha ni rab tu gdangs byas nas/ /me stag 'thibs pas 'khrugs pa yi/ /
98b7 sngags pas lce yi dbus son par/ hU~M yig de yis bsam par bya/ /bcom ldan 'das sbyin sreg rdo rjes de skad ces gsungs so/ /cho ga shes pas 'o ma sbrang / /mar ni zhi ba'i rigs la spyad/ /mar khu chen po'i bye brag las/ /ye shes rdo rje'i rigs
iiif viewer powered by OpenSeadragon
Texts on this page
D452 - 'phags pa gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po