| e-texts navigator |
| བོད་ཡིག |
97a1 med gzugs ni bskyed nas ni/ /gsal ba'i ral pa 'chang zhi ba/ /cod pan lnga ni 'dzin pa po/ /sna tshogs 'od zer mnyam pa'i 'od/ /sangs rgyas gzugs su rnam bsgoms nas/ /dkyil 'khor du bzhugs bsams nas ni/ /de yi
97a2 sngags ni rnam bsgom bya/ /sangs rgyas gzugs ni de rnams su/ /rdo rje sems dpa' rnam bsgoms pas/ /gtsug tor de yi bzlas pa bya/ /khro bo gang gzhan 'byung bas kyang / /rigs rnams thams cad nyid kyi yang / /bskyed pa'i cho gar 'gyur ba yin/ /rdo
97a3 rje gsum kun du 'byung ba zhes bya ba'i ting nge 'dzin rdzogs so/ / //de nas bcom ldan 'das kyis rdo rje 'chang chen po rdo rje gsum gyi ye shes zhes bya ba'i ting nge 'dzin gsungs so/ /cho ga shes pas de thams cad/ /oM yig dbus su rnam bsgom bya/ /
97a4 'bar ba'i phreng bas rnam brgyan pa'i/ hU~M yig mthar ni rnam bsgoms nas/ /dbus su rdo rje 'chang bsams nas/ /in+d+ra nI la mtshungs pa'i 'od/ zhi ba ral pa'i cod pan 'chang / phyag na rdo rje rnam bsgom bya/ rnam par snang mdzad rnam bsgoms
97a5 nas/ 'od zer sna tshogs mtshungs pa'i 'od/ bsams nas de yi thugs ka ru/ /zla bar sngags kyi yi ge bsgom/ /bcom ldan 'das rdo rje sems dpa'i ting nge 'dzin rdzogs so// //de nas bcom ldan 'das rdo rje 'chang chen pos bcom ldan
97a6 'das spyan ras gzigs dbang phyug gi ting nge 'dzin 'di gsungs so/ /de bzhin nyid du kun byas nas/ /dbus su ha~M yig sgom pa ni/ /ngos su rang gi gzugs ltar byas/ /rdo rje dmar po rnam bsgom bya/ /dbus su chos 'chang bsams nas ni/ /pad+ma
97a7 rA ga'i dbang mtshungs pa/ /phyag na pad+ma 'dab brgyad pa/ /de yi dbus su rnam bsgom pa/ /thugs kar zla ba'i dkyil 'khor ni/ /bsams nas sngags ni rnam bsgom bya/ /bcom ldan 'das chos kyi dbang phyug gi ting nge 'dzin gyi cho ga rdzogs so// //
iiif viewer powered by OpenSeadragon
Texts on this page
D452 - 'phags pa gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po