rKTs

e-texts navigator

Volume

Page

83b₁ yang de bzhin gshegs pa thams cad kyi thugs su bzhugs so/ /de nas bcom ldan 'das rnam par snang mdzad nam mkha'i khams thams cad du spro ba'i rdo rje byin gyis rlob pa zhes bya ba'i ting nge 'dzin la snyoms par zhugs so/ /snyoms par zhugs ma thag tu bcom
83b₂ ldan 'das de/ bcom ldan 'das phyag na rdo rje de nyid de nam mkha'i khams thams cad du sems kyis gang bar byas nas/ de bzhin gshegs pa thams cad kyi sku dang gsung dang thugs kyis bcom ldan 'das rnam par snang mdzad la rab tu stsal to/ /de nas
83b₃ bcom ldan 'das rnam par snang mdzad chen po de bzhin gshegs pa thams cad kyi dam tshig bsgrub pa'i mchog ces bya ba rig ma'i tshul la sogs pa'i las can gsungs pa/ khru ni sum cu'i khyon tsam du/ /kun nas yongs su zlum por ni/ /in+d+ra nI la mtshungs
83b₄ pa'i 'od/ /'od zer 'bar ba de phyung nas/ /nam mkha' ru ni 'di bya ba/ /bsam gtan sbyor bas bsam par bya/ /'dzam bu'i gling ni thams cad du/ /'o ma dang zhos kun du 'khrugs/ /shing rta'i 'khor lo'i tshad kyis ni/ /pad+mas g.yogs par rnam
83b₅ bsgom bya/ /khro bo chen po gshin rje gshed/ /drag tu dgod pa chen po sogs/ /rtag tu de yi dkyil 'khor gyi/ /de yi gzugs ni rnam bsgoms nas/ /khro chen khro gnyer rim par ldan/ /'bar ba'i phreng ba 'khrugs pa'i 'od/ /ji ltar rigs par
83b₆ kun bskyed nas/ /sgom par byed pa de der bshad/ /khro bo chen po dbyug pa sngo/ /'jig rten gsum 'jig 'phrog byed pa/ /sangs rgyas kun gyi ye shes su/ /'joms pa po ni rab tu gnas/ /ji skad gsungs pa'i gzugs gsum gyis/ /
83b₇ nam mkha'i khams ni kun du gang / /yi ge'i gzugs ni kun bskyed nas/ /bdag nyid snying gar rnam bsam bya/ /snying ga'i gzugs ni de rnams su/ /lha yi rnam par sgom par byed/ /slar ni sngags pas bsdu bar bya/ /de nyid la ni gzhug

_{iiif viewer powered by OpenSeadragon}

83a - 84a

Texts on this page