rKTs

e-texts navigator

Volume

Page

69b₁ tshul gyis ni/ /gzugs kyis nam mkha' 'gengs par byed/ /sna tshogs 'bar bas rnam brgyan pa'i/ /tshangs pa'i gzugs ni yang dag mnan/ /'dod mchod gzugs ni kun bskyed nas/ /'jig rten khams su 'di spro bya/ /cho ga shes pas re re
69b₂ bar/ /gzugs gsum rnam par bsgom par bya/ /bcom ldan 'das 'dod pa'i mchod pas de skad ces gsungs so/ /khru gang tsam las 'das par ni/ /pad+ma chen po rnam bsgom pa/ /tshangs pa'i gzugs kyis srid pa 'dir/ /cho ga
69b₃ shes pas spro bar bya/ /khru ni brgya phrag 'das par ni/ /pad+ma chen po rnam bsgom bya/ /'dod mchod gzugs ni yang dag dbyung / /sangs rgyas de nyid la bsgom bya/ /khru ni brgyad brgya 'das par ni/ /pad+ma chen po rnam bsgom bya/ /khyab 'jug
69b₄ gzugs ni yang dag bskyed/ /sangs rgyas la sogs der bsgom bya/ /sangs rgyas gzugs ni yang dag bskyed/ /tshangs pa'i gzugs kyis 'di spro bya/ /chos kyi gzugs ni yang dag bskyed/ /khyab 'jug gzugs kyis 'di spro bya/ /sems dpa'i
69b₅ gzugs su brtan byas nas/ /'dod mchod mtshungs pa'i gzugs rnams kyis/ /'jig rten khams ni kun tu yang / /cho ga shes pas spro bar bya/ /khru gang tsam las 'das bar ni/ /tshangs pa'i gzugs kyis rnam bsgom pa/ /snying gar de rnams yang
69b₆ dag bskyed/ /sangs rgyas gzugs su rnam bsgom bya/ /cho ga shes pas sangs rgyas gzugs/ /gzugs la gzugs su rnam bsgom bya/ bcom ldan 'das 'dod pa'i mchod pas de skad ces gsungs so/ /khru gang tsam las 'das par ni/ khyab
69b₇ 'jug gzugs ni rnam sgom pa/ snying gar de rnams kun bskyed nas/ sangs rgyas gzugs su rnam bsgom bya/ /sangs rgyas gzugs rnams thams cad du/ /'dod pa'i mchod pa mtshungs pa'i gzugs/ /sgeg pa'i rgyan gyis brgyan gyur pa/ /

_{iiif viewer powered by OpenSeadragon}

69a - 70a

Texts on this page