| e-texts navigator |
| བོད་ཡིག |
69a1 dbyings kyi cho ga rig / lag tu mdung ni yang dag bskyed/ /rang gzugs kyis ni phye mar brlag /gsal ba'i dkyil 'khor tshul gyis ni/ /ye shes rigs ni zlog par byed/ /ye shes dkyil 'khor tshul gyis ni/ /bsdus pa'i rigs
69a2 ni rnam ltung byed/ /chos kyi dkyil 'khor tshul gyis ni/ /chos kyi rigs ni nges ltung byed/ /zla ba'i dkyil 'khor tshul gyis ni/ /chen po'i rigs ni nges ltung byed/ /nyi ma'i dkyil 'khor tshul gyis ni/ /rigs kun nges par ltung bar byed/ /
69a3 bcom ldan 'das rdo rje 'chang bas de skad ces gsungs so/ /gnyis su med pa mnyam pa nyid rnam par rgyal ba'i rtog pa chen por chos kyi dkyil 'khor gyi ting nge 'dzin te le'u bzhi pa rdzogs so// //de nas bcom ldan 'das phyag na rdo rjes
69a4 de bzhin gshegs pa de rnams thams cad rang gi rdo rje chen po la bzhag nas ye shes kyi rigs la sogs pa can de la/ ye shes kyi dkyil 'khor chen po'i tshul gyis rab tu bcug cing brtan par byas nas/ dkyil 'khor chen po de rnams su rang
69a5 gi gzugs kyi rnam pas kun tu gnas pa dang / gzugs chen po lha chen po'i lha'i rnam par yang dag par sbyar nas/ 'dod pa'i rigs kyi ting nge 'dzin 'di gsungs so/ /dkyil 'khor chen po'i tshul las ni/ /thams cad de bzhin kho nar bya/ /
69a6 cho ga shes pas rab brtsam bya/ /gzhan du bsgom bya min pa nyid/ /'dod pa'i rigs kyi cho ga yis/ /gsang sngags rig pa rjes dran bya/ /oM kA ma dz+nyA na swa b+hA ba At+ma kou0f85 haM/ ji ltar rigs par brjod nas ni/ /rnal 'byor 'di ni yang dag brtsam/ /
69a7 kar ni kA ra mtshungs pa'i 'od/ /pad+ma chen po yang dag bskyed/ /de nyid dkyil 'khor byas nas ni/ /rang gi gzugs ni dgod par bya/ /'dod mchod gzugs ni kun bskyed nas/ /'jig rten khams su 'di spro bya/ rang gzugs 'dod mchod
iiif viewer powered by OpenSeadragon
Texts on this page
D452 - 'phags pa gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po