rKTs

e-texts navigator

Volume

Page

63b₁ sogs can byas nas/ /slar yang de nyid la sbyar bya/ /khru gang tsam las 'das par ni/ /zla ba'i dkyil 'khor bsgom par bya/ /rdo rje ral gri yang dag bskyed/ /'jig rten khams ni yongs bgrod bya/ /pad+ma dkar po'i 'od 'bar te/ /byang chub sems
63b₂ kyis rnam par brgyan/ /dbus su rang gi lha yi gzugs/ /gzhogs su btsun mo dgod par bya/ /cho ga shes pas de ltar gzung / /rang gi rdo rje de la gzhug /'jig rten khams ni thams cad du/ /sangs rgyas de nyid kyis mchod bya/ /zhes
63b₃ bcom ldan 'das kun tu bzang pos gsungs so/ /ji srid yang dag thob sbyor skyes/ /sngags pas slar ni bsdu bar bya/ /mtho gang tsam las 'das par ni/ /nyi ma'i dkyil 'khor bsgom pa ni/ /rang gzugs shin tu brtan byas nas/ /lha la sogs pa
63b₄ rnam par bsgom/ /snying gar sngags kyi yig byin nas/ /sangs rgyas kun ni mchod par bya/ /mtho bdun tsam las 'das par ni/ /dkyil 'khor bzhi ni sgom par byed/ /lha yi gzugs kyi dbus gnas par/ /snying gar de la bsgom par bya/ /zhes
63b₅ bcom ldan 'das rdo rje dam tshig gis gsungs so/ /rang gzugs spyan zhes bya bar ni/ /byas nas sangs rgyas rnam par bsgom/ /thugs ka nyid dang thams cad du/ /mkhas pas rang gzugs bsgom par bya/ /de ru snying po'i tshul gyis ni/ /sems
63b₆ dpa'i rnal 'byor rnam par bsgom/ /rgyang grags tsam las 'das par ni/ /sangs rgyas gzugs ni rnam bsgom bya/ /gzugs kyis nam mkha' 'gongs par ni/ /snying po rnams las yang dag bskyed/ /rgyang grags tsam las 'das par ni/ /gsal ba'i
63b₇ dkyil 'khor bsgom pa ni/ /rang gi rnal 'byor legs brtan byas/ /sangs rgyas yang dag rnal 'byor bsgom/ /rgyang grags tsam las 'das par ni/ /byang chub sems ni rnam par bsgom/ /lha ni yang dag bskyed nas ni/ /sngags kyi yi ge rnam par

_{iiif viewer powered by OpenSeadragon}

63a - 64a

Texts on this page