| e-texts navigator |
| བོད་ཡིག |
62a1 mkha'i khams thams cad bkang ste/ byang chub sems dpa' thams cad mchod pa'i sprin rnams kyis yang dag par mchod de/ bcom ldan 'das rdo rje 'chang chen po la 'dud pa dang ldan par kun tu gnas par gyur to/ /de nas de
62a2 bzhin gshegs pa thams cad slar yang 'dus par gyur nas kun tu bzang po byang chub sems dpa' chen po la/ de bzhin gshegs pa thams cad mchod pa'i sprin chen po rnams kyis yang dag par mchod de phyag 'tshal nas/ byang chub kyi sems rdo rje la
62a3 rab tu zhugs nas/ de bzhin gshegs pa thams cad kyi 'od zer kun tu gang ste/ 'od zer de rnams de bzhin gshegs pa thams cad kyi 'byung gnas yang dag par bskul bar gyur to/ /de nas kun tu bzang po rdo rje 'chang chen po de bzhin
62a4 gshegs pa thams cad brtan par mdzad nas/ ye shes kyi rigs 'di rgyas par byed pa'i rgyu rang gi gzugs rnam par snang mdzad kyi gzugs su byin gyis brlabs nas/ rang gi gzugs kyi rnam pa'i 'od zer rnams kyis phyung ste de bzhin gshegs pa thams
62a5 cad kyi dam tshig gi snying po ye shes rigs kyi ting nge 'dzin gyi le'u gsungs so/ /de nyid thams cad byed bzhin pa'i/ /bsam gtan kun sbyor mtshan nyid kyis/ /cho ga shes pas rab tu brtsam/ /'di ni de nyid tshul dag pa'o/ /nyi ma'i dkyil 'khor mchog
62a6 gyur pa/ /khru ni stong phrag bsam par bya/ /zla ba'i dkyil 'khor dbus gnas par/ /wa yig de la bsgom par bya/ /kun nas yongs su zlum por ni/ /mthe chung mtho tsam bsam par bya/ /'bar ba de la cho ga shes/ /sna tshogs kha dog rnam par
62a7 bsgom/ /der ni 'bar ba yang dag skyes/ /sangs rgyas gzugs ni rnam bsgom bya/ /phyogs rnams kun tu oM yig ni/ /kha dog sna tshogs rnam bsam bya/ /rnam snang la sogs rnam bsgoms pas/ cho ga shes pas bskyed par bya/ nyi ma'i dkyil 'khor
iiif viewer powered by OpenSeadragon
Texts on this page
D452 - 'phags pa gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po