| e-texts navigator |
| བོད་ཡིག |
55a1 'gro ba dang rkang pa brkyang / /yang dag nyid du mi bya'o/ /las ni gang dag byed pa'am/ /mnyan pa la sogs 'dod pa la/ /gzung phyir thal mo ma bshig par/ /gnas nas langs te mthong yul du/ /rgyab kyis
55a2 phyogs par mi bya ste/ /mtshan mo dang ni chu brgal dang / /gcong rong dag tu gnas gyur na/ /bka' lung gnyer du dgum pa'i phyir/ /mdun du 'gro ba nyes mi 'gyur/ /de bas thabs ni thams cad kyis/ /rdo rje 'dzin pa bla ma mchog /
55a3 rjes su mthun pas mnyes par bya/ /de mnyes sangs rgyas thams cad mnyes/ /gang gis slob dpon yang dag smad/ /de yis rgyud kun bsgrub pa'i mchog /gnyid dang 'du 'dzi rnam spangs te/ /bskal pa stong du legs bsgrubs kyang / /
55a4 dmyal sogs sgrub par byed pa'o/ /de phyir kun gyis rab bsgrims te/ /bsam pa 'bras bu smin byed pa'i/ /sangs rgyas 'bras bu 'dod pa yis/ /sems can dad dang ldan pas mchod/ /dpal rdo rje snying po rgyan gyi rgyud las bla ma bkur
55a5 ba'i le'u ste bcu bzhi pa'o/ / //rdo rje pad+mo sbyor ba las/ /yang dag ye shes skye 'gyur bas/ /sgyu ma'i mchog ni bud med de/ /de yi ming dang mtshan nyid bstan/ /ha sti ni dang shang+ki ni/ /ka ma la dang tsi tra na/ /thams cad
55a6 rigs ni bzhir 'gyur te/ /ha sti rak+ta ro tsha ba/ /sbom mo 'dod chags yang dag che/ /pad yangs kha nas sha rul bro/ /dkar 'chang mtha' phra go sbom byed/ /shang+ki rak+ta ro skyur ba/ rked phra sna legs cung zad khro/ /kha nas dud bro 'gros
55a7 dal legs/ /dkar 'chang dpal gyi 'bras bu 'dra/ /ka ma'i rak+ta'i ro mngar zhing / /shang+ki rak+ta ro skyur ba/ /phra sbom ran pa dmar mo ste/ /'dod chags mig ni mi 'dzums lta/ /dkar 'chang a ri sha 'dra ba/ /tsi tra rak+ta ro mngar zhing / /
iiif viewer powered by OpenSeadragon
Texts on this page
D451 - dpal rdo rje snying po rgyan gyi rgyud ces bya ba