| e-texts navigator |
| བོད་ཡིག |
49a1 pa/ /'dzin cing sbrul gyis yang dag brgyan/ /'og tu bgegs kyi gtso mnan nas/ /gad mo'i sgras ni 'debs par byed/ /ral pa'i gtsug tor gyis brgyan pa/ /khro bo 'di 'dra sgom byed pa'i/ /rnal 'byor gang la sangs rgyas kyi/ /
49a2 sprul ba'i bgegs kyang rlag byed na/ /gzhan ma rnams ni smos ci dgos/ /snying 'gugs pa rdo rje zhes bya ba'i ting nge 'dzin to/ /bru~M las yang ni byung ba yi/ /gtsug tor dam tshig spyod pan can/ /zhal gsum gser zhun mdangs ldan pa/ /phyag drug
49a3 ka pA la sogs pa/ /'dzin cing sna tshogs rab tu 'bar/ /ral pa'i gtsug tor gyis brgyan pa/ /zhabs rnams bsgyur zhing rnam par 'phen/ /spro dang bsdu ba'i blo gros can/ /'di 'dra gang zhig bsgom pa la/ bi nA ya ka la sogs pa'i/ /
49a4 bgegs kyis skabs ni mi rnyed phyir/ /ji bzhin rab tu bsgom par bya/ /gzhan gyis mi thub pa rdo rje zhes bya ba'i ting nge 'dzin to/ /bru~M gyi yi ge las kyang byung / /ming gi gtsug tor rnam par 'thor/ /zhal gsum gser ni btso ma 'dra/ /phyag drug
49a5 tri shUl sogs pa/ /'dzin cing srog song steng na gnas/ /rol pa'i stobs kyis bgegs mchu bcings/ /ral pa'i gtsug tor gyis brgyan pa/ /sangs rgyas sprin ni spro ba'o/ /gang zhig de 'dra sgom byed pa'i/ /rnal 'byor de yis go cha bgos/ /
49a6 sra ba'i ngang tshul can yin pas/ /bgegs lus gang gis mi g.yo'o/ /bgegs las rgyal ba rdo rje zhes bya ba'i ting nge 'dzin to/ /bru~M gyi ye shes mthu las byung / /gtsug tor rnam par 'joms pa'i mchog /zhal gsum gser 'dra'i nyi 'od
49a7 mtshungs/ /phyag drug rdo rje la sogs pa/ /'dzin cing tshems kyis sgros mnan te/ /chags ldan rig mas 'khyud pa'o/ /ral pa'i gtsug tor gyis brgyan pa/ /khrag can ljags kyang 'dril ba ste/ /bla med byang chub thob 'dod pa/ /'di 'dra
iiif viewer powered by OpenSeadragon
Texts on this page
D451 - dpal rdo rje snying po rgyan gyi rgyud ces bya ba