| e-texts navigator |
| བོད་ཡིག |
48b1 tshig brtan par bya ba ste/ /rtag tu bza' zhing sbyin par bya/ /dpal rdo rje snying po rgyan gyi rgyud las sbyin sreg gi le'u ste bdun pa'o// //de nas gzhan yang bshad bya ba/ /'gro ba mi shes mun bsal phyir/ /ye shes nyi ma shar ba las/ /
48b2 keg pu mun pa bsal tshul gsungs/ /gshin rje'i gshed la sogs pa yi/ /mdog dang phyag mtshan la sogs pa/ /de kun sngon du rgyas pa ru/ /bye brag gis ni rgyas par bstan/ /de ni las kyi khyad par gyi/ /dbang du byas pa khro bo'i tshogs/ /
48b3 gzhan du ma gsungs gang yin pa/ /de dag 'di ru bshad par bya/ /bru~M gyi ye shes las byung ba/ /gtsug tor gzi brjid phung po ste/ /zhal gsum ser po mdangs dang ldan/ /phyag drug nyi ma la sogs pa/ /'dzin cing skyil mo krung bcas pa/ /
48b4 ral pa'i gtsug tor gyis brgyan cing / /'jig rten khams kun 'khrug byed pa'i/ /gzugs kyi 'phros pas nam mkha' gang / /rig mas sku la rab 'khyud pas/ /chags phyir spro ba'i rtsol ba can/ /'di 'dra sgom par byed pa la/ /bgegs
48b5 kyis gnod pa yong mi gos/ skyon med rdo rje zhes bya ba'i ting nge 'dzin to/ /yang ni bru~M kyi ye shes las/ /byung ba sngags kyi 'khor lo can/ /zhal gsum gser 'dra mdangs po che/ /phyag drug 'khor lo la sogs pa/ /ral pa'i gtsug tor gyis
48b6 brgyan pa/ /'dzin cing stag gi smad g.yogs te/ /thod pa'i phreng bas sku la brgyan/ /rig ma dang ldan chags pa po/ /'jol sgeg nyams kyi sbyor ba mdzad/ /'di sgom spro bar byed pa la/ /nyin dang mtshan du rdo rje sems/ /'khor bcas gnas
48b7 su byon nas su/ /rtag tu srung ba nyid du byed/ bka' bzhin byed pas rdo rje zhes bya ba'i ting nge 'dzin to/ /de bzhin bru~M gyi ye shes las/ /byung ba'i khro bo gtsug tor rgyal/ /zhal gsum ser po mdangs dang ldan/ /phyag drug lcags kyu la sogs
iiif viewer powered by OpenSeadragon
Texts on this page
D451 - dpal rdo rje snying po rgyan gyi rgyud ces bya ba