rKTs

e-texts navigator

Volume

Page

37a₁ kyi chos nyid do/ /de nas rdo rje mkha' 'gro de dag thams cad rab tu dga' nas yang mchod pa'i tshogs kyis mchod de phyag 'tshal nas 'di skad ces gsol to/ /bcom ldan 'das legs so legs so/ /de bzhin gshegs
37a₂ pa thams cad kyi dbang phyug gis bdag cag byin gyis brlab par mdzad du gsol/ de bzhin gshegs pa thams cad kyi gsang ba thun mong ma yin pa bstan cing rnam pa thams cad kyi dbang phyug gis bdag cag byin gyis brlab par mdzad du gsol/
37a₃ de nas de bzhin gshegs pa thams cad kyi dbang phyug gis rdo rje mkha' 'gro de dag gis gsol ba btab pa mkhyen nas sems dpa' thams cad byin gyis rlob pa rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams
37a₄ cad kyi sku dang gsung dang thugs kyi gsang ba bsdus pa zhes bya ba'i snying po 'di rang gi thugs las phyung ngo / /oM AHhU~M sa ma ya badzra/ de nas phyung ma thag tu de'i 'od zer gyis rdo rje mkha' 'gro'i 'khor de dag thams cad bsdus nas rang gi snying gar btsud
37a₅ nas bud med kyi dkyil na thams cad brgyal ba ltar gnas so/ /de nas de bzhin gshegs pa thams cad kyi dbang phyug gis de bslang pa'i phyir mkha' 'gro thams cad 'byung ba zhes bya ba'i ting nge 'dzin la snyoms par zhugs so/ /snyoms par zhugs
37a₆ ma thag tu de dag dran pa slar thob cing ji lta ba bzhin du gnas so/ /de nas de bzhin gshegs pa thams cad kyi dbang phyug gis 'khor lo rnam par dgod pa zhes bya ba'i ting nge 'dzin la snyoms par zhugs nas/ snyoms par zhugs ma thag tu rdo rje
37a₇ mkha' 'gro de dag thams cad rang rang gi gnas ji lta ba bzhin du 'khod par gyur to/ /de'i tshe bcom ldan 'das rdo rje 'dzin pa chen po'i byin gyis brlabs kyis nam mkha'i dbyings na gnas pa ji snyed pa de dag thams cad kyang bde ba dang yid bde ba myong bar

_{iiif viewer powered by OpenSeadragon}

36b - 37b

Texts on this page