| e-texts navigator |
| བོད་ཡིག |
36b1 mkha' 'gro chen po dang / tshor ba'i mtshan nyid sim pa zhes bya ba'i rdo rje mkha' 'gro chen po dang / 'du shes kyi mtshan nyid nub pa zhes bya ba'i rdo rje mkha' 'gro chen po dang / 'du byed kyi mtshan nyid la rtog pa zhes bya ba'i rdo rje mkha' 'gro chen po dang / rnam
36b2 par shes pa'i mtshan nyid bsdus pa zhes bya ba'i rdo rje mkha' 'gro chen po la sogs pa nam mkha'i dbyings dang mnyam pa rnams kyis sangs rgyas kyi zhing 'di til gyi gang bu lta bur gang bar snang ngo / /de nas rdo rje mkha' 'gro de dag thams cad gcig tu 'dus
36b3 nas mkha' 'gro chen po rdo rje 'dzin pa chen po la mchod pa'i sprin spros pa du ma yid las byung ba lha dang mi'i mchod pa las khyad par du 'phags pas mchod nas phyag 'tshal te/ 'di skad ces gsol to/ /de bzhin gshegs rnams thams cad kyi/ /
36b4 gsang gsum bsdus pa'i spyod pa'i mchog /rdo rje snying po'i rgyan gyi rgyud/ /'dren pa mchog gis bshad du gsol/ /de nas rdo rje chen pos gsol ba btab pa'i tshig gsan nas mkha' 'gro thams cad la rnam par bltas te cang mi gsung bar bzhugs so/ /
36b5 de nas byang chub sems dpa'i rdo rje mkha' 'gro de dag thams cad kyis kyang 'di skad ces gsol to/ /bcom ldan 'das de bzhin gshegs pa thams cad kyi dbang phyug gi yon tan khyad par du 'phags pa'i rdo rje mkha' 'gro chen po la sogs pa'i 'khor du
36b6 'chad du mi bzhed pa de bdag cag la mi dgyes su ma mdzad cig / de nas de bzhin gshegs pa'i bdag po rdo rje 'dzin pa chen pos 'khor gyi dkyil 'khor la rnam par bltas te tshigs su bcad pa gsungs pa/ sems dpa' chen pos zhus pa legs/ /
36b7 sa 'og ma yi sangs rgyas kyang / /'di yi gzhung gis sems rmongs na/ /sems dpa' gzhan ni smos ci dgos/ /sangs rgyas chos nyid dag pa 'di/ /byis pa rnams kyis mi rtogs phyir/ /byin gyis brlabs nas 'chad pa ni/ /ston pa rnams
iiif viewer powered by OpenSeadragon
Texts on this page
D451 - dpal rdo rje snying po rgyan gyi rgyud ces bya ba