rKTs

e-texts navigator

Volume

Page

36a₁ @##/ /rgya gar skad du/ shrI badzra hr-i da ya a laM kA ra tan+t+ra nA ma/ bod skad du/ dpal rdo rje snying po rgyan gyi rgyud ces bya ba/ dpal rdo rje sems dpa' la phyag 'tshal lo/ /'di skad bdag gis thos pa dus gcig na/ bcom ldan 'das de
36a₂ bzhin gshegs pa thams cad kyi sku dang / gsung dang / thugs kyi snying po bud med bcu'i dkyil na cha shas lnga pa'i tshul du bzhugs so/ /brjod du med pa'i yang brjod du med pa'i yang brjod du med pa'i 'khor rdo rje dang pad+mar sbyor ba la bzhugs pa 'di lta ste/ dam tshig yongs su spyod
36a₃ pa zhes bya ba'i rdo rje mkha' 'gro dang / ye shes kyi lus yongs su 'grub pa zhes bya ba'i rdo rje mkha' 'gro dang / sgra brnyan lta bu'i rdo rje'i gsung 'byung ba zhes bya ba'i rdo rje mkha' 'gro dang / gzhan gyis shes par byed pa zhes bya ba'i rdo rje mkha' 'gro dang / rtse gcig tu 'dris pa zhes bya ba'i rdo rje
36a₄ mkha' 'gro dang / gzhan las 'phags pa zhes bya ba'i rdo rje mkha' 'gro dang / rten par byed pa zhes bya ba'i rdo rje mkha' 'gro dang / rlan par byed pa zhes bya ba'i rdo rje mkha' 'gro dang / smin par byed pa zhes bya ba'i rdo rje
36a₅ mkha' 'gro dang / skyod par byed pa zhes bya ba'i rdo rje mkha' 'gro dang / go 'byed par byed pa zhes bya ba'i rdo rje mkha' 'gro dang / hA ra nu pU ra la sogs pas mdzes pa zhes bya ba'i rdo rje mkha' 'gro dang / gI ta mgrin la sogs pa'i glu mkhan ma zhes bya ba'i
36a₆ rdo rje mkha' 'gro dang / sbrul gyi snying po la sogs pa'i dri ldan ma zhes bya ba'i rdo rje mkha' 'gro dang / tshod ma sna tshogs za ba'i ro ldan ma zhes bya ba'i rdo rje mkha' 'gro dang / rtsen pa sna tshogs kyis 'khyud mkhan ma zhes bya ba'i rdo rje mkha' 'gro dang / gsum
36a₇ rig par byed pa dngos med ma zhes bya ba'i rdo rje mkha' 'gro ma la sogs pa ri rab kyi rdul dang mnyam pa'i rdo rje mkha' 'gro thams cad dang / rdo rje mkha' 'gro chen mo nam mkha'i dbyings dang mnyam pa 'di lta ste/ gzugs kyi mtshan nyid zhu ba zhes bya ba'i rdo rje

_{iiif viewer powered by OpenSeadragon}

35b - 36b

Texts on this page