| e-texts navigator |
| བོད་ཡིག |
102a1 gshegs pa thams cad kyi bdag pos de bzhin gshegs pa thams cad dang gnyis su med pa mnyam pa nyid rdo rje zhes bya ba'i ting nge 'dzin la snyoms par zhugs so/ /snyoms par zhugs ma thag tu bcom ldan 'das kyis gang+ga'i klung gi bye ma dang mnyam pa'i 'od zer
102a2 bye ba khrag khrig brgya stong phyung nas shar dang lho la sogs pa'i phyogs mngon par brjod du med pa'i yang brjod du med pa'i gang+gA'i klung gi bye ma snyed kyi sangs rgyas kyi zhing gi rdul phra rab dang mnyam pa'i sku gsum gyi ye shes kyis gang bar mdzad do/ /de nas de bzhin gshegs pa de rnams
102a3 byon nas byang chub kyi sems 'di gsungs so/ /byang chub rang bzhin yang dag thob/ /byang chub sems dpas snying po byin/ /nam mkha'i khams la longs spyod pa'i/ /rdo rje byang chub rab tu gnas/ /mtshan nyid med pa'i chos rnams la/ /spros pa dag ni yod ma yin/ /rdo rje'i rang bzhin ye
102a4 shes kyis/ /nam mkha' lta bur dri ma med ces so/ /de nas bcom ldan 'das phyag na rdo rje ting nge 'dzin las bzhengs nas rdo rje chos la bos par gyur to/ /sems dpa' chen po dam tshig gang yin pa de mthong ngam/ bcom ldan 'das mthong lags so/ /de nas bcom ldan 'das phyag
102a5 na rdo rje skyes bu chen po de'i sku dang gsung dang thugs kyi dbye ba rin po che sgrom bu nges par rig nas de bzhin gshegs pa thams cad dang byang chub sems dpa' rnams rang ga thugs su zhugs par mdzad do/ /de ji lta ba bzhin du bcom ldan 'das de bzhin gshegs pa thams
102a6 cad kyi bdag pos rang gi sku dang gsung dang thugs nam mkha' lta bur sbyor bas yang dag par gnas par gyur to/ /de bzhin gshegs pa thams cad kyi sku dang gsung dang thugs yongs su dag pa'i ngo bo nyid kyi rdo rje zhes bya ba'i le'u nyi shu rtsa gnyis pa rdzogs so// //
102a7 'phags pa gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po rdzogs so// //mkhan chen thar pa lo ts+tsha ba'i phyag dpe'i gseb nas shog yar lnga byung ba sngar bsgyur ba las/ phyis nyong stod smon 'gro'i gtsug
iiif viewer powered by OpenSeadragon
Texts on this page
D452 - 'phags pa gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po