rKTs

e-texts navigator

Volume

Page

101b₁ 'dus byas thams cad 'dod par bya/ /'di lta ste/ rigs kyi bu zhes bya ba byang chub sems dpa'i chos kyi sprin gyi sa la rab tu gnas pa ste/ de bzhin gshegs pa thams cad kyi chos kyi sku dang / de bzhin gshegs pa thams cad kyi longs spyod rdzogs pa'i sku dang / de bzhin gshegs pa
101b₂ thams cad kyi sprul pa'i sku rnams su rnam par rtog pa med cing the tshom med pa de bdag go zhes chos thams cad kyang nam mkhar mthong bar gyur to/ /rigs kyi bu mdor bsdus na byang chub sems dpa' rdo rje ye shes zhes brjod par bya'o/ /de nas bcom ldan 'das de bzhin
101b₃ gshegs pa thams cad ngo mtshar du gyur nas bcom ldan 'das de bzhin gshegs pa thams cad kyi skyes bu'i mchog la phyag btsal nas 'di skad ces gsol to/ /bcom ldan 'das sngags kyi spyad pa spyod par byed pa'i byang chub sems dpa' 'di don dam pa'i gsang ba la dad
101b₄ par ci ltar 'gyur/ 'di lta ste/ yang bcom ldan 'das de bzhin gshegs pa thams cad ces bya ba stong gsum gyi stong chen po'i 'jig rten gyi khams su sangs rgyas bcom ldan 'das rnams su yang dag par byang chub nas mngon par rdzogs par 'tshang rgya bar ji ltar 'gyur/ de
101b₅ bzhin gshegs pa thams cad kyis bka' stsal pa/ bcom ldan 'das de bzhin gshegs pa gcig pu mngon par rdzogs par 'tshang rgya bar 'gyur ro/ /rdo rje 'chang bas gsol pa ji ltar mngon par rdzogs par 'tshang rgya bar 'gyur/ 'di lta ste gzhan yang stong gsum gyi stong
101b₆ chen po'i 'jig rten gyi khams rdul phra rab kyi cha shas su gyur pa gzhi'i sems can rnams mngon par rdzogs par 'tshang rgya bar 'gyur ro/ /de bzhin du bcom ldan 'das de bzhin gshegs pa thams cad phyag na rdo rje'i tshul 'di blta bar bya'o/ /de nas byang chub sems dpa' de
101b₇ rnams ya mtshan thob cing dga' zhing rab tu mgu ba thob nas de lta bu'i dbyangs 'di gsungs so/ /e ma'o ye shes ye shes che/ /rdo rje chen po rab tu mthong / /rmad du byung ba'i 'jig rten gyis/ /ye shes mig ni rnam sbyangs pa'o/ /de nas bcom ldan 'das phyag na rdo rje de bzhin

_{iiif viewer powered by OpenSeadragon}

101a - 102a

Texts on this page