| e-texts navigator |
| བོད་ཡིག |
284a1 pa'i tshul zhes bya ba mthar thug pa'o/ /byang chub sems dpa' sems dpa' chen pos gsol pa/ bcom ldan 'das thabs gang gis mthar thug pa thob pa lags/ bcom ldan 'das kyis bka' stsal pa/ phung po dang /
284a2 khams dang / skye mched la sogs pa'i mtha' stong pa gsum mo/ /stong pa gsum gyi mtha' 'od gsal ba'o/ /byang chub sems dpa' chen po rnams kyis gsol pa/ bcom ldan 'das stong pa gsum 'od gsal ba'i mthar ji ltar 'gyur ba
284a3 lags/ bcom ldan 'das kyis bka' stsal pa/ ji ltar mes shing bsregs te/ thal bar byed pa de bzhin du 'od gsal bar shes rab kyi ye shes yun ring pos rnam par sbyong bar byed do/ /ji ltar ta la'i lo ma thal bar byed pa de bzhin du thabs kyi ye
284a4 shes rnam par sbyong bar byed do/ /ji ltar ras bal gyi 'dab ma bsregs pa de bzhin du snang ba thob pa'i ye shes mchog tu myur bas rnam par sbyong bar byed do/ /de bas na rim pa 'dis shing ta la'i lo ma dang / ras bal gyi 'dab ma thal bar 'gyur ba de
284a5 bzhin du stong pa dang / shin tu stong pa dang / stong pa chen po rnams mthar 'od gsal bar 'gyur ro/ /'di ni mthar thug pa'i bshad pa gsungs pa'o/ /byams pas gsol pa/ bcom ldan 'das rnal 'byor gyi rgyud du de bzhin gshegs pa thams
284a6 cad kyi mtha' drug gis bshad pa ji ltar lags/ bcom ldan 'das kyis bka' stsal pa/ dgongs pas bshad pa dang / dgongs pa ma yin pas bshad pa dang / drang ba'i don dang / nges pa'i don dang / sgra ji bzhin pa dang / sgra ji bzhin
284a7 pa ma yin pa rnams so/ /byams pas gsol pa/ bcom ldan 'das thugs brtse ba nye bar bzhag ste/ tshig re re'i bshad pa bka' stsal du gsol/ bcom ldan 'das kyis bka' stsal pa/ gang mthar thug par bshad pa de nyid dgongs pas
iiif viewer powered by OpenSeadragon
Texts on this page
D447 - ye shes rdo rje kun las btus pa zhes bya ba'i rgyud