| e-texts navigator |
| བོད་ཡིག |
282b1 kyi bu ci'i phyir cang mi smra bar gyur pas 'dug / de nas byang chub sems dpa' chen po de rnams kyis bcom ldan 'das kyi zhabs gnyis la phyag 'tshal te gtugs nas gzhan yang zhus pa/ e ma'o ston pa rtogs par dka' ba rnam par shes pa gsum gyi dbye ba mchog tu
282b2 zab pa bcom ldan 'das bshad du gsol/ bde bar gshegs pa bshad du gsol/ bcom ldan 'das kyis bka' stsal pa/ gang 'od gsal ba las byung ba rnam par shes pa de nyid sems dang / yid dang / rnam par shes pa zhes bya la/ de ni chos
282b3 thams cad kyi rtsa ba ste/ kun nas nyon mongs pa dang / rnam par byang ba'i bdag nyid de las rtog pa gnyis su gyur te bdag dang gzhan dag tu'o/ /rnam par shes pa de'i bzhon pa rlung ngo / /rlung las me'o/ /me las chu'o/ /chu las sa'o/ de rnams las
282b4 phung po lnga dang / skye mched drug dang / yul lnga ste/ de dag thams cad ni rnam par shes pa rlung dang 'dres pa'o/ /de nas rnam par shes pa gsum gyi rang bzhin gyi snang ba rab tu gsal bar spyod pa rjes su myong bar byed de/ snang ba'i rgyus rang bzhin rnams yang dag par
282b5 'byung ngo / /de la 'od gsal ba gnas med pa/ 'gag pa med pa/ skye ba med pa/ don dam pa'i bden pa/ yang dag pa'i mtha' ste/ de las byung ba'i mun pa'i snang ba ni ma rig pa'o/ /de'i rang bzhin lta ba dang / 'khrul pa dang / rnam par g.yeng
282b6 ba dang / brjed ngas pa dang / le lo dang / mi smra ba dang / mi gsal ba'o/ /ma rig pa sems las byung ba ste/ nyi ma'i snang ba lta bu dang / shin tu gsal ba'i smig rgyu lta bu'o/ /de'i rang bzhin 'dod chags dang / dga' ba dang / mchog tu
282b7 dga' ba dang / drag po la sogs pa dang / kun rdzob tu mngon sum du skyes pa'i gzugs dang / lha'i tshogs dang / mtshan ma dang / rdo rje'i brda'o/ /sems las byung ba las sems te/ zla ba'i snang ba dang shin tu gsal ba'i chu'i zla ba lta bu'o/ /rang
iiif viewer powered by OpenSeadragon
Texts on this page
D447 - ye shes rdo rje kun las btus pa zhes bya ba'i rgyud