| e-texts navigator |
| བོད་ཡིག |
278b1 bon skye gnas dbus bzhag ste/ /chos kyi dbyings ni zhu bar byed/ /de ni rim par skyed byed na/ /sgo dgu la ni kun du 'gro/ /khyab cing khyab gnas 'gro kun la/ /mi g.yo la sogs g.yo dang bcas/ /tshangs sogs lha dang lha min gyi/ /gzhi ni de las gyur
278b2 ba'o/ /gang las gtso bor skyed byed pa/ /sa dang nam mkha' de zhes gsungs/ /ji srid lus la gnas pa'i bar/ /de yis las dang las min byed/ /dge dang mi dge bsam pa yang / /bya ba'i las kun byed pa yin/ /sbyor ba rtag tu de gsungs te/ /mchod
278b3 pa bsgom par gsungs pa yin/ /gang tshe las kyi lus zhig na/ /de tshe de yi rang mthu yis/ /de 'dra'i lus su de 'gyur te/ /gang gis g.yo dang mi g.yo khyab/ /nam mkha' mnyam pa nyid 'dra ba/ /de ni gnas par shes par bya/ /bcu yi gnyis mtha' tshig
278b4 gi don/ /gang gis rtag tu bsgom byas na/ /des ni dngos grub rgyas pa yis/ /rdo rje 'dzin par bdag nyid 'gyur/ /so dang mchu dang rkan dang lce/ /mgul gnas gang la yod pa ni/ /gang la de ni yig 'bru nyid/ /de ni zad dang gnas phyir ro/ /brjod pa med
278b5 cing the tshom pa/ /sgra yig rnam par spangs pa ni/ /rang gi phyi nang de bzhin nyid/ /byang chub sems ni 'dir gsungs so/ /lha mo bzhis yongs su zhus pa las lha mo spyan mas yongs su zhus pa'i le'u ste dang po'o// //de nas lha mo mA ma kIs/ /rdo rje
278b6 can la 'di zhus te/ /byang chub sems kyi rim pa yi/ /kha snying lte ba gsang ba la/ /'gro dang phyir 'ong bstan pa ni/ /rdo rje chen pos bka' stsal 'tshal/ /cha shas rnam pa du zhig gsungs/ /gnas kyi rnam pa bsgyur ba du/ /kha dog rnam pa du zhig gsungs/ /
278b7 de bzhin gdan yang ji ltar 'tshal/ /rdo rje can gyis bka' stsal ba/ /cha shas bzhi dang mnyam ldan zhing / /pad+ma bzhi la yang dag gnas/ /snying ga'i pad+ma la gnas gnag /kha yi pad+ma la gnas dkar/ /nga ro lte ba'i pad+mar gnas/ /gsang ba'i pad+ma nga ro
iiif viewer powered by OpenSeadragon
Texts on this page
D446 - lha mo bzhis yongs su zhus pa