| e-texts navigator |
| བོད་ཡིག |
277a1 de las chags sogs bag chags dang / /de las slar yang 'chi dang skye/ /de ltar 'khor lo bskor ba 'dra/ /sngon bzhin rdo rje bzlas la sogs/ /rim gyis de yi dbye bar 'gyur/ /de nas sems dpa' chen po kun/ /de nyid mig sman thur ma
277a2 yis/ /thams cad 'khrul pa'i long ba bsal/ /yang dag dngos po nyid ni mthong / /de nas yang yang phyag byas te/ /mchi bcas mig gis bcom ldan la/ /lan gsum du ni bskor byas nas/ /rdo rje 'chang la yang dag bstod/ /e ma'o kun 'gro kun dbang
277a3 phyug / nam mkha' dang ni mtshungs pa brnyes/ /e ma'o dam tshig de nyid gsum/ /mchog tu rmad byung ston par mdzad/ /khams gsum las ni rnam par grol/ /chos kyi dbyings kyi ngo bo nyid/ /'dod pa rnams kyis ma gos pa/ /dmigs med khyod la phyag
277a4 'tshal lo/ /phung po rnams dang khams rnams dang / /skye mched rnams la mi rten cing / /srid dang mya ngan 'das las grol/ /dmigs med khyod la phyag 'tshal bstod/ /de ltar nam mkha' gnas med cing / /spros pa med cing gos pa med/ /mkha' dang
277a5 mnyam pa'i thugs mnga' ba/ /dmigs med khyod la phyag 'tshal bstod/ /de nas bcom ldan 'das kyi sku/ /'jig rten gsum las rgyal gyur pa/ /'jig rten gsum 'di rnam par g.yos/ /bdud rnams bcom par mdzad nas ni/ /'jig rten gsum nas
277a6 lha las rgyal/ /khro bo bcu ni kun nas ni/ /'jig rten gsum rgyal gtso bo yis/ /'di ltar bka' ni bsgo bar 'gyur/ /sa yi cha ni gang na 'di/ /rdo rje phreng bar mngon brjod pa'i/ /rnal 'byor chen po'i dam tshig rgyud/ /dus kun du ni spyod 'gyur zhing / /
277a7 rgyun du de nyid rang nyid kyis/ /khro bo bcu yis de las ni/ /rtag tu phur bus bgegs kun la/ /bsrung ba'i don du yul 'khor dang / /rang rang phreng ba'i sngags kyis ni/ /de rnams la ni gtor ma dbul/ /sems can yongs su gzung ba'i phyir/ /sna tshogs sprul
iiif viewer powered by OpenSeadragon
Texts on this page
D445 - rnal 'byor chen po'i rgyud dpal rdo rje phreng ba mngon par brjod pa rgyud thams cad kyi snying po gsang ba rnam par phye ba zhes bya ba