| e-texts navigator |
| བོད་ཡིག |
276b1 sems dpa' nyid/ /de nas gzhan yang rab bshad pa/ /rlung rnams kyi ni mtshan nyid mchog /srog gi rlung ni snying gar gnas/ /mi bskyod bye brag rigs las skyes/ /mdoms na gnas pa'i thur sel ni/ /rin chen 'byung ldan bye brag skyes/ /stod du rgyu ba lkog
276b2 mthar gnas/ /'od dpag med pa'i rang bzhin no/ /me dang mnyam gnas lte bar gnas/ /don yod grub pa'i rang bzhin no/ /khyab byed yan lag kun la gnas/ /rnam snang mdzad kyis byin gyis brlabs/ /dbang po'i sgo yi rgyun las ni/ /srog dang rtsol
276b3 ba rgyun 'di dang / /dus kun du ni rgyu ba ni/ /srog ces bya ba yin par bshad/ /srog dang rlung dang phyi sa dang / /de bzhin du ni khu ba sogs/ /'og 'dren 'di ni thur sel rlung / /rtag tu rnal 'byor bas shes bya/ /dgod dang za dang lhag pa dang / /kun du 'thung dang
276b4 'jib pa dang / /gang zhig rtag tu mnyam gnas pa/ /mnyam du gnas pa zhes byar brjod/ /gyen du 'gro zhing sdud pa dang / /bza' dang myang ba la sogs pa/ /shes nas lhan cig 'byor pa dag /gyen rgyu'i las su shes par bya/ /khyab dang 'dzin pa nyid dang ni/ /
276b5 de bzhin 'gro dang ldog pa sogs/ /tshigs kun du ni khyab pa'i phyir/ /khyab byed ces ni bya bar bshad/ /rlung gi mtshan nyid bshad pa ni/ /de nas de yi 'jigs par brjod/ /snga ma bzhin du btang bzung sogs/ /phan tshun du ni gnod par byed/ /gzhan ni
276b6 gzhan la 'tshe ba yin/ /stobs ni thob pa'i rang bzhin gyis/ /gcig ni gcig la thim par 'gro/ /ji ltar zla ba gzas bzung la/ /rlung rnams rim gyis nyams 'gyur ba/ /snga ma bzhin du gong nas gong / /rang gi bdag nyid la thim par/ /btang bzung slar yang
276b7 'gro bar byed/ /ji ltar mes bsregs dngos med dang / /rgyu med par ni thim par 'gro/ /slar yang srog gi rlung shar ba/ /las kyi rlung ni sna tshogs pa/ /de ni lhan cig rnam shes dang / /slar yang 'jig rten gsum du gnas/ /de las las dang de las skyes/ /
iiif viewer powered by OpenSeadragon
Texts on this page
D445 - rnal 'byor chen po'i rgyud dpal rdo rje phreng ba mngon par brjod pa rgyud thams cad kyi snying po gsang ba rnam par phye ba zhes bya ba