rKTs

e-texts navigator

Volume

Page

260a₁ thA ga ta/ /che ge mo zhes badzra sa twaM/ /a b+hi ShIny+tsa mi swA hA/ /phung po lnga yi rnam dag pas/ /thog mar chu nas ming gi mthar/ /dbang bskur ba ni mchog tu shes/ /rmad byung chen po bshad par bya/ /sangs rgyas lnga ni dag pa 'di/ /dbang bskur lnga ni thob
260a₂ bar 'gyur/ /ma rig pa ni bsal nas ni/ /ye shes lnga ni thob par 'gyur/ /de nas rdo rje sems dpa' yi/ /slob ma 'dod don sngags dbang sbyin/ /sngags kyi dbang bskur ye shes mchog /ngas byin dngos grub ster bar byed/ /de nas yi ge drug sngags phaT/ /
260a₃ swA hA'i mtha' can yi ge gsum/ /kha ni dam tshig gis bkang nas/ /sngags kyi sku yis dag pa dang / /bla ma'i zhal las yang dag brjod/ /bla mas dngos grub sbyin bya'i phyir/ /'di ni sangs rgyas thams cad kyi/ /snying po yi ni ye shes mchog /sangs rgyas thams cad
260a₄ bsdus pa ni/ /khyod kyis kyang ni rtag tu bcang / /de nas slob ma spyod brtul zhugs/ /sna tshogs bsam pa'i bye brag gis/ /gang gi spyod pa rnam dag pa/ /'dod la thugs rje'i gtso bo yis/ /sems can don ni byed pa'i thabs/ /nga yis spyod pa'i brtul zhugs sbyin/ /de
260a₅ nas glegs bam dung la sogs/ /mda' gzhu ral gri 'khor lo dang / /sngon bzhin sngags kyis dag par byed/ /slob ma'i lag tu rim bzhin sbyin/ /'di ni kun bzang spyod brtul zhugs/ /bsam pa sna tshogs rnam dag byed/ /khyod kyis kyang ni rtag tu bcang / /sems
260a₆ can kun gyi don gyis byos/ /oM sarba ta thA ga ta/ /de bzhin d+h+rI Ta ra twa~M dang / /d+ha r+ya mi AHhU~M dang / /de ltar sngags 'di dgod par bya/ /de nas lung bstan thob don du/ /bsam pa dang bas bla ma la/ /da ltar sangs rgyas rigs su 'jug /khyed kyis bdag la lung bstan gsol/ /
260a₇ don yod rdo rje zhes bya khyod/ /rigs kyi dbang phyug lung bstan bya/ /de nas slob ma dbugs dbyung 'dod/ /bla ma'i zhal snga nas ni skye/ /mgon po yang dag bdag dbugs phyung / /byang chub spyod pa'i brtul zhugs brtan/ /de nas rdo rje chos gos mtha'/ /g.yon pa'i lag

_{iiif viewer powered by OpenSeadragon}

259b - 260b

Texts on this page