rKTs

e-texts navigator

Volume

Page

9b₁ cad rnam par bshad/ /lag pa gcig ni thod pas brel/ /g.yas pa na ni gri gug 'dzin/ /g.yon pas kha T+wA~M ga nyid do/ /stag gi pags pas rnam dkris shing / /rol zhon zhing gzi brjid 'bar/ /phyag gnyis gyen du dbu skyes ser/ /nga rgyal la sogs skyon drug rnams/ /gcod
9b₂ phyir gri gug rnam par gnas/ /dngos dang dngos med rnam rtog gi/ /mgo bo'i pad+ma'i snod du ni/ /bdud rnams rnam pa bzhi yi khrag /dngos grub phyir ni btung bar bya/ /stong pa'i rnam pas kha T+wAM ga/ /thabs kyis ro ni rnam par brtag /'dis ni 'khor lo rnam bsgoms na/ /dngos grub
9b₃ myur du thob par 'gyur/ /dang por nag po rab tu bsgom/ /gnyis par dmar po rnam par bsgom/ /gsum pa la ni ser po bsgom/ /bzhi par ljang gu de bzhin no/ /lnga par kha dog sngon po dang / /drug par dkar po'i lus can te/ /yan lag drug bsgom rnal 'byor pas/ /
9b₄ dga' bral mthar yang de bzhin no/ /bskyed pa'i rim pa nyid dang ni/ /rdzogs pa'i yang ni rim pa nyid/ /rim gnyis mnyam par gnas nas ni/ /rdo rje can gyis chos 'chad do/ /bskyed pa yi ni cha bshad do/ /nam mkha'i khams ni pad+ma la/ /b+ha ga zhes bya ye shes brjod/ /bsgom
9b₅ pa zhes bya snyoms 'jug nyid/ /de yi bde ba 'khor lor brjod/ /sngon du byung ba zhu ba nyid/ /rim pa ji bzhin rang rig nyid/ /lha zhes bya ba byang chub sems/ /ji ltar 'byung ba khu ba yin/ /lhan cig skyes pa rnam pa gnyis/ /re zhig btsun mo shes rab yin/ /skyes bu thabs su brjod
9b₆ pa nyid/ /kun rdzob don dam dbye ba las/ /phyi nas de yi rnam pa gnyis/ /re zhig skyes bu rnam pa gnyis/ /de yi khu ba'ang bde ba nyid/ /skyes bu ji bzhin shes rab la'ang / /de yi khu ba'ang bde ba nyid/ /de nyid phyir na dga' ba nyid/ /bzhi yi rab tu dbye ba yis/ /skye med rim pa'i phyogs
9b₇ las ni/ /'di ltar lhan cig skyes rnam bzhi/ /dga' ba dang po dpa' bo nyid/ /mchog tu dga' ba rnal 'byor ma/ /shin tu bde dga' thams cad nges/ /de bde'i thabs las thams cad rig /dga' ba'i bde ba cung zad de/ /mchog tu dga' ba de las lhag /dga' bral dga' bas

_{iiif viewer powered by OpenSeadragon}

9a - 10a

Texts on this page