rKTs

e-texts navigator

Volume

Page

6a₁ bsgoms nas langs te lha'i gzugs su gzhag go/ /dbang gi le'u ste bzhi pa'o// //de nas de kho na nyid kyi le'u bshad par bya'o/ /ngo bos gzugs med mthong ba po/ /sgra med thos pa po yang med/ /dri med snom pa po yang med/ /ro med myong ba po yang med/ /
6a₂ reg med reg pa po yang med/ /sems med sems las byung ba'ang med/ /skyed byed ma dang sring mo nyid/ /rnal 'byor rig pas rtag tu mchod/ /gar ma tshos ma rdo rje ma/ /gdol ma de bzhin bram ze mo/ /thabs dang shes rab cho ga yis/ /de nyid rig pas rtag tu mchod/ /ji ltar
6a₃ bye bar mi 'gyur bar/ /rab tu 'bad pas bsten pa nyid/ /ma gsang sprul dang chom rkun dang / /sa spyod me yis sdug bsngal byed/ /rigs lnga'i phyag rgya zhes bya ba/ /thar pa'i rgyur ni brjod par bya/ /rdo rje 'dis ni gdab pa nyid/ /des na phyag rgyar brjod par bya/ /rdo rje pad+ma de
6a₄ bzhin las/ /de bzhin gshegs dang rin chen nyid/ /snying rje chen po dam pa yi/ /rigs ni rnam pa lnga ru brjod/ /rdo rje'i phyag rgya g.yung mo nyid/ /de bzhin pad+ma'i gar ma nyid/ /las ni tshos mar rab tu bshad/ /de bzhin gshegs pa'i bram ze mo/ /rin chen gdol mar
6a₅ shes par bya/ /phyag rgya lngar ni rnam par nges/ /'di rnams de bzhin gshegs pa'i rigs/ /mdor bsdus pas ni brjod par bya/ /dpal ldan de bzhin nyid gshegs shing / /de bzhin slar yang gshegs pa nyid/ /'dis ni shes rab rigs pa yis/ /de bzhin gshegs zhes brjod
6a₆ par bya/ /rigs ni rnam pa drug brjod cing / /mdor bsdus pas ni rnam pa lnga/ /sku gsung thugs kyi dbye ba yis/ /phyi nas rnam pa gsum du 'gyur/ /rigs dang 'byung ba lha rnams dang / /phung po lnga yi rang bzhin gyi/ /rigs dang bgrang bya 'di yis ni/ /rigs zhes mngon
6a₇ par brjod par bya/ /sgom pa po med bsgom pa'ang med/ /lha med sngags kyang yod ma yin/ /smos pa med pa'i rang bzhin las/ /sngags dang lha ni yang dag gnas/ /rnam snang mi bskyod don yod dang / /rin chen dpag med sems dpa' bo/ /tshangs pa khyab 'jug zhi ba dang / /

_{iiif viewer powered by OpenSeadragon}

5b - 6b

Texts on this page