rKTs

e-texts navigator

Volume

Page

36b₁ lag pa g.yas na rin po che/ /sems can rnams la sbyin pa ster/ /g.yon na sdigs mdzub 'dzin pa mo/ /rin chen sgron ma 'dir ba brjod/ /glog ni lag pa g.yas pa ste/ /rnam par rtog pa'i chu 'dzin 'joms/ /de 'di glog lag mar shes bya/ /de bzhin g.yon pas sdigs
36b₂ mdzub ma/ /lag pa g.yas par pad+ma ste/ /pad+ma'i 'dod chags brjod par bya/ /g.yon pas sdigs mdzub ma nyid de/ /'di ni mkha' 'gro'i pad+mar brjod/ /g.yas par b+ha ga'i pad+ma ste/ /bde ba chen po rnam par 'phel/ /g.yon na sdigs mdzub mdzad ma ste/ /'di ni chos 'byung mar ni brjod/ /
36b₃ g.yas pa'i lag na lcags sgrog ste/ /byang chub zhen pas kun 'ching ba/ /g.yon na sdigs mdzub 'dzin ma ste/ /'di ni rdo rje sgrog mar brjod/ /sangs rgyas rjes chags 'ching ba yis/ /bdag nyid 'khyud par 'dod pa ste/ /byang chub chags pas rab sgrub ma/ /de 'di rdo rje 'khyud
36b₄ mar bshad/ /g.yas pa'i lag na sgo lcags te/ /ye shes kun gyi srung ba mo/ /g.yon na sdigs mdzub 'dzin pa mo/ /'di de rdo rje sgo lcags brjod/ /g.yas pa'i lag tu lde kyog ste/ /ye shes blangs nas gcod pa mo/ /g.yon na sdigs mdzub 'dzin pa mo/ /'di de rdo rje lde kyog
36b₅ brjod/ /g.yas pa'i lag tu sgo mo ni/ /ye shes skyes pa ma spangs pa/ /g.yon na sdigs mdzub 'dzin pa mo/ /'di ni rdo rje sgrog mar brjod/ /lag pa g.yas par yol ba ni/ /rang mtshungs btsun mo srung ba nyid/ /g.yon na sdigs mdzub 'dzin pa mo/ /rdo rje yol ba mar ni
36b₆ brjod/ /de 'di sangs rgyas thams cad kyi/ /mkha' 'gro ma ni dam pa'i tshogs/ /mkha' 'gro lnga ni rab bsgrub phyir/ /mkha' 'gro ma yi rgyud gsungs so/ /de nas byang chub sems dpa' de rnams thams cad mkha' 'gro ma'i rdo rje'i gsung thos nas ngo mtshar skyes par gyur te/ bcom
36b₇ ldan 'das phyag rgya 'grog pa 'di ci nyi tshe ba'i dam tshig phyag rgya 'phrog pa lags sam/ de nas bcom ldan 'das kyis byang chub sems dpa' rnams la 'di skad ces bka' stsal pa/ bcom ldan 'das byang chub sems dpa' rnams/ 'od zer can gyi 'jig rten gyi khams na rdo rje

_{iiif viewer powered by OpenSeadragon}

36a - 37a

Texts on this page