rKTs

e-texts navigator

Volume

Page

36a₁ dang / /nags tshal skye bo med grong du/ /bsnyen bkur can la dngos grub ster/ /mtsho skyes rnam pa'i 'gram yid 'ong / /sku gdung zab mo'i mchod rten dang / /rkang 'thung rlon pa'i 'og tu ni/ /nga ni sangs rgyas dngos grub ster/ /tshong dus tshong rdal nyid dang ni/ /
36a₂ tshong dus rnam pa'i khyim du ni/ /rdo rje nyi ma bstan pa nga / /bsnyen bkur can la dngos grub ster/ /glu gar rab tu 'ching ba dang / /chang 'tshong ma yi khyim du ni/ /'di ltar pad+ma gar mkhan nga / /bsnyen bkur can la dngos grub ster/ /rtag tu 'gro mgyogs zhon 'gyur dang / /res
36a₃ 'ga' lam du 'gro ba na/ /rta ni don yod bstan pa nga / /dngos grub rdo rje rnam ster ro/ /de nas bcom ldan 'das rdo rje can chen po mkha' 'gro ma rdo rje gur phyag rgya rnam par rgyal ba'i ting nge 'dzin la snyoms par zhugs te/ phyag rgya dang phyag mtshan yang dag par bshad pa/ sku gsung
36a₄ thugs kyi brtag pa las/ /phyag rgya rnam gsum shes par bya/ /sku la lag pa'i phyag rgya yin/ /sngags bzlas pa las ngag phyag rgya/ /sems la mtshan ma'i phyag rgya yin/ /de nyid bsam gtan dkyil 'khor la'o/ /lag pa'i g.yas na skam pa ste/ /g.yon na sdigs
36a₅ mdzub de bzhin no/ /mkha' 'gro skam pa ma 'jigs ma/ /gdug pa rnams kyi 'khor ba 'don/ /g.yas pa'i lag na zhags pa ste/ /gdug pa rnam bcings rnam par dgug /de 'di zhags pa ma zhes bya/ /g.yon pas gdug pa sdigs mdzub ma/ /g.yas na nya rgya zlum po
36a₆ ste/ /gdug pa rnams ni dkri bar 'dod/ /'di ni rtag tu dol zlum bshad/ /g.yon pas gdug pa sdigs mdzub mdzad/ /lag pa g.yas par lcags kyu ste/ /gdug pa rnams ni dgug par 'dod/ /'di de rdo rje kyo mar bshad/ /g.yon pas bdud la sdigs mdzub ma/ /
36a₇ lag pa g.yas pas nyi ma ste/ /gti mug mun pa rnam par dral/ /g.yon pas sdigs mdzub mar ni bshad/ /de ni rdo rje nyi mar brjod/ /lag g.yas mar me'i sdong snod de/ /de bzhin g.yon par sdigs mdzub bo/ /'di de rdo rje mar mer bshad/ /rnam par rtog pa'i rab rib 'joms/ /

_{iiif viewer powered by OpenSeadragon}

35b - 36b

Texts on this page