rKTs

e-texts navigator

Volume

Page

296b₁ rje dang / /lus ni dril bu 'jam pa'i dbyangs/ /de bzhin mgo ni byams pa dang / /ma yi rnam pa steng 'bar ba/ /'khor ba rnam par grol bar mdzad/ /'od zer 'bar ba rnam mang por/ /kun nas stong pa'i dbus su bsam/ /rnam shes ye shes sa bon gyis/ /dbus dang dbus su rnam
296b₂ par dkris/ /bzlas dang bsam gtan mchog brtson pas/ /rlung gi steng du bsam par bya/ /dang po dkar po kun nas bsam/ /gnyis pad bzhin ser po'o/ /gsum par gang zhig dmar po dang / /bzhi pa la ni sngon po nyid/ /mnyam bzhag bzlas pa'i ngo bo yis/ /'grub par 'di la the
296b₃ tshom med/ /sbyor ba'i gdan gyi ming zhes pa/ /gsang zhing gsang ba gsang chen po/ /bdag gi gdan gyi le'u zhes bya ste bzhi pa'o// //de nas gzhan yang bshad bya ba/ /tsha ba'i sa bon bye brag ni/ /lto ba'i thab khung 'di yi me/ /lto ba'i me ru shes par bya/ /shar gyi cha
296b₄ ni dkar po'o/ /byang gi de bzhin ser po nyid/ /nub kyi phyogs su dmar po ste/ /lho phyogs su ni nag por grags/ /dbus su mnyam pa'i kha dog nyid/ /me lnga ru ni bsam par bya/ /rdo rje mkha' 'gro'i ming zhes pa/ /shar gyi mer ni rab tu brtag /drag mo mkha' 'gro zhes bya ba/ /
296b₅ byang gi phyogs su rnam par brtag /ro langs ma zhes bshad pa ni/ /nub kyi phyogs su rab tu dgod/ /mkha' 'gro gtum mo zhes bya'i ming / /lho phyogs kyi ni me yi ming / /dbus su ye shes me 'di ni/ /ye shes mkha' 'gro zhes bya'i ming / /pad+ma'i gdan la bzhugs pa
296b₆ ni/ /nyi ma'i dkyil 'khor gyis brgyan cing / /lag na rdo rje kha T+wA~M dang / /me 'bar ba dang mnyam pa'i 'od/ /gzugs ni mthe bo'i rnam pa tsam/ /khro bo'i gzugs su bsgom par bya/ /na li las ni yi ge brgyad/ /'phyang pa po yi sgor ni thim/ /mkhas pas phyis ni bdag
296b₇ nyid lngas/ /gnas lnga ru ni sbyin sreg bya/ /sems kyis dbugs ni rab bsdams nas/ /dngos pos dngos po bsgom par bya/ /gang zhig cung zad bza' btung rnams/ /sbyin sreg tu brtags bza' bar bya/ /dang po sgra yi yi ge dang / /de bzhin gnyis pa gnyis

_{iiif viewer powered by OpenSeadragon}

296a - 297a

Texts on this page