rKTs

e-texts navigator

Volume

Page

296a₁ skad gsungs pa yi/ /ye shes dang ni rnam shes sems/ /'jig pa med cing 'tshe med par/ /dngos pos dngos po bsgom par bya/ /ye shes kyi thig le'i sbyor ba'i le'u zhes bya ste gnyis pa'o// //ka pa gcig dang sgo gsum gyis/ /ye
296a₂ shes dbus su thim pa nyid/ /bzlog par bya ba'i sa bon nyid/ /sbyang bya'i yi ge phyed dang gnyis/ /brgyad kyi mtha' la gsum pas drang / /sa bon 'di ni drag po'i me/ /rlung gi dkyil 'khor la brten pa/ /sngon gsungs mtshan nyid dang ldan pas/ /sngon du lhan cig bsgoms
296a₃ pa yis/ /dkar pos lus ni bsdam par bya/ /mnyam pa'i gnas su 'bar ba yis/ /ji skad sngon du gsungs pa'i rlung / /dbus su mchod rten sbyang bar bya/ /rlung dang me yi mdun don la/ /rdo rje'i sa bon bsgom byas la/ /sgra dang thig les rnam par brgyan/ /char gyi
296a₄ rgyun nas bshad pa yin/ /rgyas pa lnga yi sgo nyid la/ /kha dog dkar po bsgom par bya/ /sgo gnyis mngon par bstan pa ni/ /de bzhin chu dang chu min gnyis/ /yi ge nyis 'gyur thigs pa dang / /rtsa bar sgra ni sbyar bar bya/ /'di yis lus ni bsdam bya zhing / /me ni sgo
296a₅ rung sam par bya/ /sems 'di yis ni dmigs par bya/ /steng du tshangs pa'i sgo 'di ni/ /tshigs dgu yi ni mchog gi gdan/ /lus med sems kyi ngo bo yis/ /dngos pos dngos po bsgom par bya/ /dus la bab na 'pho bya ste/ /dus min lha rnams gsod
296a₆ pa nyid/ /sdig gis kun nas mi gos te/ /'khor ba'i pha rol mchog tu sgrol/ /'pho bar sbyor ba'i le'u zhes bya ba ste gsum pa'o// //sngon gsungs mtshan nyid ldan par ni/ /sngon du stong pa'i mtshan nyid kyis/ /de yi lus ni sbyang bar bya/ /sbyor bas bsgom
296a₇ pa'i lus can ni/ /dngos po med par bsgom pa'i dngos/ /gang zhig dngos po rnam rtog pa'i/ /dngos por bsgom pa'i sa bon gyis/ /steng pa'i dbus su bsgom par bya/ /dgong bya'i yi ge rnam bkod pa/ /sangs rgyas lnga yis mngon par brgyan/ /dbyig pa 'jig rten dbang phyug gis/ /zhabs skyed phyag na rdo

_{iiif viewer powered by OpenSeadragon}

295b - 296b

Texts on this page