rKTs

e-texts navigator

Volume

Page

160a₁ rgyud 'di ru ni gsal bar byas/ /de nas yang dag rab bshad pa/ /dbang du bya ba'i sbyin sreg mchog /thab khung gru gsum dmar po la/ /zabs dang rgyar ni sor mo brgyad/ /de dbus pad+ma 'dab brgyad dmar/ /zla ba dmar la sogs pas brgyan/ /grwa grwa ru ni
160a₂ rdo rje dmar/ /bdag nyid he ru kar bsam pa/ /dmar po ltar snang chags pa'i bdag /rdo rje dmar po thod pa bsnams/ /yongs su gang ba'i khrag nyid kyis/ /khams gsum pa la rjes su chags/ /a sho ka yi yam shing dang / /go ro tsa nar ldan pa ni/ /blo ldan brgya rtsa
160a₃ brgyad bsregs te/ /shin tu mnyam gzhag sngags ni gdon/ /o~M a sho ka ni su ra ke a nu rA ga ya trai lo kya ba sha~M ka rI trai lo kyaM bA shA mA na yA hrI swA hA/ nyin bdun sbyin sreg byas tsam gyis/ /khams gsum dbang du 'gyur ba yin/ /chu ni dmar por me zhi bya/ /de nas yang dag rab bshad
160a₄ pa/ /mngon spyod dang ni gsad pa mchog /zla ba phyed pa'i cha 'dra'i thab/ /zabs dang rgyar ni khru gang tshad/ /'jigs chen mdog ni ljang khu'o/ /grwa grwa ru ni rdo rje bri/ /dbus kyis gzhi stong pa ru/ /blo ldan sha lngas sbyin sreg bya/ /gsod pa yi ni sbyin sreg mchog /mngon spyod
160a₅ gsod pa ru ni gsungs/ /dgra kun bsnun cing zlog par byed/ /dgra bo thur du kha bltas shing / /kha nas khrag ni skyug pa nyid/ /sha yi dbus su bsam par bya/ /seng ldeng sol bas me bya ste/ /med na 'ba' 'bo la nyid kyi/ /'ba' 'bo tsher mas sha phug ste/ /brgya rtsa
160a₆ brgyad du sngags kyis bsreg / o~M mA ra ya mA ra ya kI la ya kI la ya sar+b+ba sha truM nA na sha ya hU~M phaT/ bdag nyid he ru kar gyur cing / /sku mdog sngon po thugs 'khrugs pas/ /dgra rnams thams cad brlag par ni/ /skad cig de la the tshom med/ /phed mdzad 'jigs shing 'jigs par
160a₇ byed/ /ha ha zhes mdzad 'jigs par mdzad/ /gdug pa thams cad gsod par ni/ /sbyin sreg tsam gyis the tshom med/ /'di lta'i bsad pa'i sbyin sreg dang / /mngon spyod kyang ni rnyed dka' ba/ /rnal 'byor lha mos rtogs min na/ /sngags skyes phal lta smos ci

_{iiif viewer powered by OpenSeadragon}

159b - 160b

Texts on this page