rKTs

e-texts navigator

Volume

Page

143b₁ nas sngags bye ba bzlas par gsungs so/ /bsod nams 'bring po rnams kyis ni sngags 'bum bzlas pas myur bar 'grub par gsungs so/ /bsod nams che bas khri bzlas pas shin tu myur bar 'grub bo/ /de ltar rdo rje can chen po rgyud kyi bdag po'i gtso bos gsungs
143b₂ so/ /bsod nams chung ba'i sems can rnams kyis ni bye ba bzlas par gsungs so/ /sems can 'bad rtsol chung ba rnams kyis ni 'bum bzlas par bdag smra'o/ /sems can sgom pa la zhen pa rnams kyis ni khri kho na bzlas par bya'o/ /sems can 'dod chags
143b₃ la zhugs pa rnams kyi bzlas pa ji ltar lags/ blun po dang lkugs pa'i rigs can rnams kyi sngags kyi grangs ji ltar lags/ /shin tu dmigs pa'i sngags kyi bzlas pa ji ltar lags/ 'di ltar phan tshun smra bas bzlas na dngos grub gzhan du yang 'gyur ro/ /gal te
143b₄ dman pa'i sems kyis nyon mongs bzhin pas bzlas pa de'i tshe bskal ba skar ma lta bu bye bar yang de la dngos grub med do/ /de ltar thos nas rnal 'byor ma sna tshogs sde ma bcom ldan 'das kyi zhal la lta bar byed cing zur mig dang bcas pa'i chags pas bltas te/
143b₅ shin tu khro bas 'jigs par byed cing snying rje'i thugs 'khrugs pas bdud kyi dpung rab tu bcom mo/ /de ltar bzhugs pa'i lha mo chen mo rgyud thams cad kyi bdag po'i dbang phyug la de nas des gzigs pa tsam gyis bcom ldan 'das kyi dbu las sngags phyung ngo / /o~M bud+d+he
143b₆ sid+d+he su sid+d+he/ a mr-i ta a ra dze bud+d+ha ka pA la sgo Ta ne spo Ta ya trA sa ya ho hU~M phaT/ de ltar sngags kyi mchog son pas sa rim pa bdun gyi 'og tu chud pa'i klu rnams bcom par byas shing phye mar byas nas slar 'ongs te sna tshogs sde ma'i zhal du zhugs te/ pad+ma'i nang nas byung nas slar
143b₇ thod par zhugs so/ /sngags 'di'i mthus klu rnams zhig ste/ skrag cing rdul 'byung bar 'gyur ro/ /nor rgyas la sogs pa'i rdzu 'phrul chen po'i klu thams cad lhags te/ stobs kyis rgyu dang / dung skyong dang / 'jog po dang / mtha' yas dang / pad+ma dang / pad+ma

_{iiif viewer powered by OpenSeadragon}

143a - 144a

Texts on this page