| e-texts navigator |
| བོད་ཡིག |
141b1 bzhin sems las 'byung / /sems ni mtshan mo'i ngo bo nyid/ /yang dag 'od ni gsum dang bral/ /lhan skyes ye shes mtshan nyid do/ /gang tshe tshangs pa'i tshigs su sems/ /lha mo de tshe nyin mor 'gyur/ /gang tshe de las srog 'pho ba/ /de tshe mtshan mo 'og na
141b2 gnas/ /steng yang ma yin 'og yang min/ /de tshe mtshams shes dran par bya/ /de yang me yi rang bzhin grags/ /nyi ma la ni srog 'dzin ma/ /gang gis nyi ma yod pa ni/ /snang ba las ni shar du 'gyur/ /snang ba zla ba zhes par bstan/ /yongs su zhu ba'i bdud rtsi
141b3 g.yo/ /lha mo chen mo g.yo ba'i phyir/ /dga' bral dga' bar rab tu grags/ /gang du chad pa las ni thim/ /mchog gi dga' ba shar ba'i dus/ /de ni snang ba dang po'i dga'/ /de las mchog ni gsal bar 'gyur/ /gsang phyir snang ba mched par grags/ /
141b4 zhu med g.yo med ska ba'o/ /ska ba la ni phra mo'i dngos/ /bde sbyin yang na kun spyod do/ /kun spyod las ni thob pa yin/ /zhal bzang mo ni snang bas so/ /de ni mtshams zhes grags pa ste/ /dbus kyi gnas su yod pa'i phyir/ /dbus kyi gnas na yod pa na/ /de phyir
141b5 kun du spyod byed pa'o/ /dbus ni dngos po thams cad la/ /'dus par byed pa dran pa'o/ /yang na gang du mtshan mo ni/ /ma byung nyi ma nub pa'o/ /de ni dbus kyi mtshams zhes grags/ /rang bzhin dga' ba sbyin byed ma/ /de nyid snang ba thob pa yin/ /thams cad skye ba'i rgyu
141b6 yin no/ /gang du dbus mtshams skad cig gis/ /bde ba'i tshor ba ma shes na/ /skal ldan lha mo de ru ni/ /dga' bral gsal bar 'gyur ba'o/ /de yi nyams su myong shes pa/ /skyon ni cung zad mi byed do/ /mi shes pas ni skal ldan mo/ /rtsa ba dang bcas med
141b7 par byed/ /rtsa ba snang ba zhes byar dran/ /khu ba'i gzugs ni zla ba'o/ /bde ba chen po'i bdud rtsi'i gter/ /bsrubs las skye ba yin pa'i phyir/ /lha mo me tog snang ba mched/ /dmar ba'i phyir ni nyi mar brjod/ /bde chen rnam par smin pa'i phyir/ /dmar ba'i
iiif viewer powered by OpenSeadragon
Texts on this page
D423 - dpal de kho na nyid kyi sgron ma zhes bya ba'i rnal 'byor chen mo'i rgyud kyi rgyal po