| e-texts navigator |
| བོད་ཡིག |
139b1 ba'i mchod pa'i don/ /de ni dri med bde ba 'byung / /'das pa las ni yang skye ba/ /skye ba de la 'phel ba'o/ /lha mo shes rab ye shes gang / /de ni kha la snying gar bde/ /kha ni rtag tu shes rab yin/ /snying ga ye shes brjod pa'o/ /gang zhig
139b2 gsang ba'i dkyil 'khor 'khor/ /de ni khu ba 'pho med dge/ /yang na bde chen rang ngo bo/ /bde ba'i rnam par rtog dang bral/ /lha mo tshigs rgyas gang zhig ni/ /bya gdong ma de khong du chud/ /yang na tshigs ni zhu med khu/ /dga' mo rgyas pa mchog yin
139b3 no/ /'byung ba bsrung don gtor ma gang / /de ni srog chags bsad pa'o/ /bcad pa de ni mchog gi gnas/ /'gro ba 'gog par byed pa'o/ /de dag ni mchog gi gsang ba chen po'i gsang chen bcom ldan 'das ma bzhi bcu'i bdag nyid kyi de kho na nyid bde ba
139b4 chen po'i rgyal po'i bdud rtsi'i gter la nges pa'i don to/ / //lha mos gsol ba/ bzhi bcu'i bdag nyid de nyid ni/ /shin tu reg med gzung bar dka'/ /sa yi dbang phyug du tsam zhig /mchog gi dbang phyug gis mkhyen lags/ /bcom ldan 'das kyis bka' stsal
139b5 pa/ /sna tshogs rnyed pa sum cu drug /bcu gcig sa yi bdag po'o/ /dga' ba rnyed pa sum cu bdun/ /bcu gnyis sa yi bdag por brjod/ /mchog dga' rnyed pa sum cu brgyad/ /de ni bcu gsum pa yis/ /sum cu dgu lhag mthar thug pa/ /sa
139b6 ni bcu bzhi rnyed pa'o/ /bzhi bcu de ni lhan skyes so/ /lnga rnyed pa'i mnga' bdag go/ /gang zhig bcu drug pa yis/ /brjod du med pa nam mkha' bzhin/ /de la dbang phyug mchog gi mkha'/ /thams cad mkhyen pa rnyed dka' ba/ /zag med 'pho med zhi
139b7 ba ste/ /skye med rmad byung bas rmad byung / /lha mos gsol pa/ kyai bcom ldan 'das sum cu rtsa gnyis kyi bdag nyid bde ba chen po'i bdud rtsi'i rgyal po'i bdud rtsi'i gter de kho na nyid de la kun du spyod pa'i dus ni gang lags/ 'dus pa ni ci zhig lags/ nyams
iiif viewer powered by OpenSeadragon
Texts on this page
D423 - dpal de kho na nyid kyi sgron ma zhes bya ba'i rnal 'byor chen mo'i rgyud kyi rgyal po