rKTs

e-texts navigator

Volume

Page

10a₁ chags bral yin/ /lhag ma lhan cig skyes dga' nyid/ /dang po reg par 'dod pa dang / /gnyis pa bde bar 'dod pa nyid/ /gsum pa 'dod chags 'jig pa nyid/ /des na bzhi pa bsgom par bya/ /mchog tu dga' ba srid par brjod/ /dga' bral las ni mya ngan 'das/ /
10a₂ dbu ma dga' ba tsam nyid de/ /'dis ni lhan cig skyes pa spangs/ /'dod chags med cing chags bral med/ /dbu mar dmigs par mi 'gyur ro/ /'di la thabs dang shes rab med/ /yang dag de nyid snang ba'o/ /gzhan gyis brjod min lhan cig skyes/ /gang du yang ni mi rnyed de/ /bla
10a₃ ma'i dus thabs bsten pa yis/ /bdag gis bsod nams las shes bya/ /dman pa 'bring dang mchog rnams dang / /gzhan rnams gang rnams de rnams kyang / /ro mnyam de nyid bsgoms pa yis/ /'di kun mnyam pa nyid du blta/ /dman pa'i gnas ni phra ba'i don/ /mchog ni dngos
10a₄ por brjod par bya/ /dbu ma gnyis kyis spangs pa nyid/ /gzhan rnams zhes bya dbang po drug /gang rnams de rnams brtan dang g.yo/ /'di kun zhes bya nga nyid de/ /mnyam nyid mtshungs par 'dod pa nyid/ /ro mnyam de nyid bsgoms pas ni/ /mnyam zhes bya ba mtshungs par brjod/ /de yi
10a₅ 'khor lor zhas brjod/ /bsgom pa ro gcig mnyam pa nyid/ /'dis ni don gyis brjod par bya/ /nga las 'gro ba thams cad 'byung / /nga las gnas gsum po yang 'byung / /nga yis 'di kun khyab pa ste/ /'gro ba'i rang bzhin gzhan ma mthong / /de ltar rnal 'byor pas shes na/ /shin tu mnyam
10a₆ gzhag gang goms pa/ /bsod nams chung ba'i mi yis kyang / /de ni grub par the tshom med/ /bza' dang btung dang blugs pa dang / /nyal dang log dang sems pa na/ /phyag rgya chen po mngon 'dod pas/ /de nas sngon du 'gro bar 'gyur/ /gang phyir yid kyis mi bsgom par/ /'gro ba thams cad
10a₇ bsgom par bya/ /thams cad chos ni yongs shes na/ /bsgom pa nyid ni bsgom pa min/ /brtan dang g.yo ba'i dngos po gang / /rtswa lcug 'khri shing la sogs pa/ /bdag gi dngos po'i rang bzhin las/ /dam pa'i de nyid nges bsgom bya/ /de rnams dam pa gcig yod min/ /rang rig bde ba chen

_{iiif viewer powered by OpenSeadragon}

9b - 10b

Texts on this page