| e-texts navigator |
| བོད་ཡིག |
74a1 ba'i ting nge 'dzin ces bya ba'i don to/ /'byung ba ni skye ba ste/ de ltar gnas pa dang g.yo ba'i dngos po'i rang bzhin gyi bdag nyid can du gyur pa'o/ /mtshan nyid ces bya ba ni 'dis mtshon par byed pa'o/ /yang na rgyud thams cad kyi gleng gzhi yang dag par
74a2 sbyor ba las byung ba zhes bya ba'i sgras ni rdo rje sems dpar gsungs so/ /gsang ba zhes bya ba 'dis ni man ngag can gyi sngags btu ba dang / dkyil 'khor gyi lha la sogs pa'i mtshan nyid do/ /thabs dang shes rab bdag nyid rgyud/ /de ni nga yis bshad kyis nyon/ /
74a3 dang por stong nyid bsams pas ni/ /lus can rnams kyi dri ma bkru/ /gzugs kyi khams ni stong pa yi/ /sgra la de nyid kyis ni bya/ /dri yi khams ni stong pa yi/ /ro la de nyid kyis ni bya/ /reg bya'i khams ni stong pa yi/ /yid la de nyid kyis ni bya/ /
74a4 rdo rje snying pos gsol ba/ mig gi rang bzhin stong pa yi/ /nang du rnam shes ji ltar lags/ /rna ba'i rang bzhin stong pa yi/ /nang du rnam shes ji ltar lags/ /sna yi rang bzhin stong pa yi/ /nang du rnam shes ji ltar lags/ /lce yi rang bzhin stong pa
74a5 yi/ /nang du rnam shes ji ltar lags/ /lus kyi rang bzhin stong pa yi/ /nang du rnam shes ji ltar lags/ /yid kyi rang bzhin stong pa yi/ /dbus su rnam shes ji ltar lags/ /de phyir gzugs med lta ba med/ /sgra med thos pa po yang med/ /dri med snom pa
74a6 po yang med/ /ro med myong ba po yang med/ /reg med reg pa po yang med/ /sems med sems las byung ba'ang med/ /bcom ldan 'das kyis bka' stsal pa/ /gnyis med gnyis ni rnam spangs pa'i/ /de nyid lam ni ji bzhin nyon/ /rtog ge med cing rnam shes
74a7 med/ /de bzhin rtog ge pas mi rtogs/ /sangs rgyas kun gyi gsang ba ni/ /nam mkha' lta bur mnyam pa nyid/ /nyan thos rnams kyis mi shes te/ /mi shes pa yi mun pas bsgribs/ /bag chags sad pa'i ye shes gang / /rang rgyal rnams kyi sprul pa'o/ /
iiif viewer powered by OpenSeadragon
Texts on this page
D381 - yang dag par sbyor ba zhes bya ba'i rgyud chen po