| e-texts navigator |
| བོད་ཡིག |
73b1 @##/ /rgya gar skad du/ sa~M pu Ta nA ma ma hA tan+t+ra/ bod skad du/ yang dag par sbyor ba zhes bya ba'i rgyud chen po/ rdo rje mkha' 'gro la phyag 'tshal lo/ /'di skad bdag gis thos pa'i dus gcig na/ bcom ldan 'das de bzhin gshegs pa thams
73b2 cad kyi sku dang gsung dang thugs kyi snying po rdo rje btsun mo'i b+ha ga rnams la bzhugs so/ /de nas yang bcom ldan 'das kyis rnal 'byor gyi dbang phyug bye ba phrag brgyad cu'i nang nas rdo rje snying po la gzigs te 'dzum pa mdzad do/ /'dzum pa mdzad ma thag tu de'i tshe rdo rje snying po
73b3 stan las langs te/ bla gos phrag pa gcig tu byas nas pus mo g.yas pa'i lha nga sa la btsugs te/ thal mo sbyar ba byas nas bcom ldan 'das la 'di skad ces gsol to/ /ye shes kyi dbang po rgyud thams cad kyi gleng gzhi'i gsang ba yang dag par sbyor ba las byung ba'i
73b4 mtshan nyid mnyan par 'tshal lo/ /e ma'o rdo rje snying po legs so legs so/ /snying rje chen po legs so legs so/ /byang chub sems dpa' chen po yon tan gyi phung po legs so legs so/ /gang zhig rgyud thams cad du gsang ba de thams cad 'dod pas zhus shig /
73b5 de nas rdo rje snying po la sogs pa'i byang chub sems dpa' chen po de rnams rab tu 'dzum zhing mig phye bas phyag 'tshal te/ rang gi the tshom yang dang yang du zhus pa/ rgyud ni thams cad ci zhes brjod/ /gleng gzhi yang ni ji ltar lags/ /'di la gsang ba ci zhes gsungs/ /
73b6 ji ltar yang dag sbyor byung ming / /de la mtshan nyid ji ltar lags/ /bcom ldan 'das kyis bka' stsal pa/ /rgyud dang thams cad de ni rgyud thams cad do/ /rgyud thams cad kyi sgras ni 'dus pa la sogs pa'o/ /de rnams kyi gleng gzhi ni byung bar nges pa zhes bya
73b7 ba'i don to/ /khyab 'jug dang / /dbang phyug chen po dang / tshangs pa dang / nyan thos dang / rang sangs rgyas rnams kyi spyod yul ma yin pa'i phyir gsang ba'o/ /yang dag par sbyor ba ni thabs dang shes rab kyi bdag nyid can no/ /de las byung ba ni yang dag par sbyor
iiif viewer powered by OpenSeadragon
Texts on this page
D381 - yang dag par sbyor ba zhes bya ba'i rgyud chen po