rKTs

e-texts navigator

Volume

Page

45a₁ dang rlung gi nyid dag dang / /chu me de bzhin nam mkha' dang / /khams lnga dag dang yang dag ldan/ /gzugs dang reg pa de bzhin sgra/ /mig gnyis dang ni sna dag dang / /lus kyi steng 'og tu yang gsal/ /rtag tu rdor can rnam par gnas/ /cha dang cha
45a₂ min rnam par grol/ /stong pa'i dang las yang dag gnas/ /ya yi sde mtha' yang dag rdzogs/ /u yig dag ni thig ler bcas/ /'byar zhing gsal bar 'gyur ba ste/ /kha sbyor rnam pa rnal 'byor gyi/ /rdor can ji ltar chang gis myos/ /'khor nas sems ni
45a₃ rnam par grol/ /khams gsum po ni ma lus pa/ /rdo rje'i mig gis mthong bar 'gyur/ /bdun gyi rgyal po'i dngos grub kyis/ /ma lus lus pa med pa mthong / /tshangs pa khyab 'jug dbang ldan dang / /dbang po de bzhin 'dod dbang phyug /pha rol stobs kyis
45a₄ mnan nas ni/ /rnal 'byor dbang phyug gis ni mchod/ /tshangs pa la sogs lha rnams kyis/ /dam tshig sgra yis bshad pa ste/ /srog dang rtsol ba kun tu bya/ /de yis 'di ni dam tshig sdom/ /de la kha sbyor rnam pa bshad/ /zhal bzhi ru ni rab tu gnas/ /rnal
45a₅ 'byor ma bzhi sde zhes bya/ /sbyor ba bzhi dang yang dag ldan/ /gang gang dbang po'i lam nas byung / /de dang de yi rang bzhin nyid/ /'dod pa kun las longs spyod pa/ /sangs rgyas kun gyi rang bzhin 'gyur/ /gzugs ni ji ltar rdzogs pa las/ /de la sgom pa ci
45a₆ lta bu/ /sngags rnams ji ltar bskyed par bgyi/ /rdzogs par yang ni ci ltar 'gyur/ /de dag thams cad tha snyad tsam/ /sngags dang rgyud rnams yang dag 'byung / /byang chub sems ni 'di ru bsngags/ /'dod pa lnga dang yang dag ldan/ /mtshon bya mtshan nyid kyis
45a₇ ni mtshon/ /mtshon bya du ma'ang mtshon mi bya/ /sngags rnams rgyas par bshad nas ni/ /lha rnams kyi ni bsgom pa nyon/ /steng gi sgo ni gsum yin te/ /lte bar rlung gi gzugs can ma/ /de la dbus su rtag tu stong / /dag pa yi ni shel lta bur/ /longs spyod chen po

_{iiif viewer powered by OpenSeadragon}

44b - 45b

Texts on this page