rKTs

e-texts navigator

Volume

Page

289b₁ gis za bar 'gyur ro/ /gang du thog gis shi ba'i rus pa la rab tu bsngags te ri bong gi thod par bcug ste shing rkang gcig pa'i rtse mo la btags na thog 'bab pas 'chi bar 'gyur ro/ /yang na de nyid kyi gzugs byas te de nyid dang rigs mthun pa'i rus pa rnyed na yungs kar gyis brdeg cing pha mes
289b₂ kyi dur khrod du grib so lhags pa dang sbas te gtor mas mnan cing dong brus par sbas la ro bsregs pa'i g.yam pas mnan na rigs 'chad par 'gyur ro/ /grog mkhar gyis la gzugs byas la/ de la dug dang til mar gyis byugs la 'bras phub kyi me la rab tu bsro zhing sngags brdegs na rims tsha
289b₃ ba chen pos btab par 'gyur ro/ /gzhan pa la ni spra tshil gyis byugs shing tsher ma'i rigs mang po btab par byas nas dus ma yin pa'i rlung la phyar na yul gzhan du gshis ngan du 'chi bar byed do/ /mtsho nang gi nya se ba bzung ste gro ga la ling+ga bris pa de bag zan gyi gzugs dang bcas pa la rab tu
289b₄ bsngags te slar btang na chu grir myur du 'chi bar byed do/ /bse shing la ling+ga bsregs te sgo khang du sbas na skrangs pa chen pos btab par 'gyur ro/ /gal te grog mkhar gyi sa la gzugs byas te mchod rten rnying pa'i 'og tu 'byung po'i nyi ma lam nan nas ro g.yam gyis kha bcad na ni 'khor dang bcas pa nus
289b₅ pa med cing rab tu gnon par 'gyur ro/ /de nyid kyi zag pa gang yin pa dang phung shul nas sa blangs te gzugs brnyan byas la gnas kyi sar rus pa'i phur bus btab na ni 'on pa dang long ba dang yan lag nyams pa dang lkugs par 'gyur te/ klu gnas pa'i sar sbas na dbang po nyams pa nyid byed do/ /
289b₆ gal te sa phyogs der char mi 'bab par gyur na ka ra bI ra'i shing btsugs la ba dmar ser gyi 'o ma gtor bar byas pas klu gnas pa'i sar song nas rang ting nge 'dzin du gnas pas bka' bsgo na char chen po 'bab par byed do/ /bal po se'u'i shing dang 'brug shing du bcas pa g.yab cing klu gzir
289b₇ na char 'bab cing sprin sad par byed do/ /gal te sprin bral bar 'dod na rlung lha'i gtor ma byas la rlung gi ba dan g.yab par bya'o/ /khrag sna tshogs pa yungs kar yungs nag tu sbyar te klu gnas pa'i sar sbyin sreg tu byas nas bzlas pa'i thun bar du gtor na ser ba mod la 'bab par 'gyur ro/ /yungs

_{iiif viewer powered by OpenSeadragon}

289a - 290a

Texts on this page