rKTs

e-texts navigator

Volume

Page

286a₁ rgyal po rnam thos sras la klu chen po brgyad kyis bskor ba'i le'u ste nyi shu pa'o/ / //de nas gzhan yang bshad bya ba/ /drang srong sras mchog de nyid la/ /lha mo brgyad kyis yongs bskor ba'i/ /thabs nyid rnal 'byor pas shes bya/ /rin
286a₂ chen bdun pa'i khang / /nor bu sna tshogs gdan bzhugs pa'i/ /'phags pa sku mdog bai DUr+ya/ /zhal gcig phyag drug spyan gsum pa/ /rin chen sna tshogs du mas spras/ /gdug pa klu yis nyer brgyan cing / /g.yas kyi dang po rgyal mtshan 'dzin/ /g.yon gyi
286a₃ dang po rin chen snod/ /bar ma gnyis ni rdo rje dang / /pad+ma 'bar ba bsnams pa dang / /tha mas zhags pa tho ba 'phyar/ /stag gi pags pa'i sham thabs can/ /dar gyi cod pan dag gis mdzes/ /skad cig gis ni bsam par bya/ /o~M badzra bi ru ka /ku ber At+ma ka /ma hA
286a₄ yak+Sha rA dza rat+na sid+d+hi hU~M swA hA/ /gsang sngags 'di ni brjod pa yis/ /gnod sbyin mo rnams mdun du 'gugs/ o~M tsan+d+ra kAn+t+yai swA hA/ o~M su b+ha drA yai swA hA/ o~M dat+tA yai swA hA/ o~M guh+yA yai swA hA/ o~M su dat+tA yai swA hA/ o~M de byai swA hA/ o~M Ar+yA yai swA hA/ o~M sar swat+yai swA hA/ zla 'od can ma rab
286a₅ bzang ma/ /sbyin byed ma dang gsang ba ma/ /rab sbyin ma dang dpal lha mo/ /'phags ma dang ni dbyangs ldan te/ /thams cad zhal gcig phyag gnyis ma/ /kun tu rgyal ba 'od 'phro ma/ /gdu bu dpung rgyan mgul rgyan dang / /zhabs gdub do shal legs brgyan cing / /dar dang
286a₆ nor bus rnam par mdzes/ /dkar dang ser dang dUr ba'i 'od/ /gser 'od pad+ma rA ga dang / /ut+pal pad+ma rA ga dang / /ut+pal puN+Da rI ka dang / /pa la sha yi mdog mtshungs pa/ /'od kyi phreng bas 'khrigs pa'i nang / /rin chen sgrom bu gter gyi snod/ /rin chen gzhong pa dung
286a₇ chos dang / /be tsu ra dang nor bu me/ /dpal be pany+tsa li ka ste/ /g.yon pa kun tu pad+ma bsnams/ /sgeg cing 'gying dang ldan par bsam/ /gtso bos lha mo brgyad po bskul/ /lha mo brgyad po thams cad kyis/ /rin chen char pa phab nas ni/ /bka' bzhin bgyid pa rnam

_{iiif viewer powered by OpenSeadragon}

285b - 286b

Texts on this page