rKTs

e-texts navigator

Volume

Page

180b₁ bzhi bcom pa dang ldan zhing bdud las rgyal bar kha cig tu shAkya thub par gyur pas mngon par rdzogs par sangs rgyas te/ chos dang gang zag tu 'dzin pa tshar gcad pa'i phyir thar pa rnam par dag pa'o/ /'jig rten pa'i rnal 'byor pa'i gang zag tshar gcad pa'i phyir dang / nyan thos
180b₂ dang / rang sangs rgyas kyi chos su 'dzin pa tshar gcad pa'i phyir/ de ltar chos dang gang zag la bdag med par rtogs nas ji ltar gyur pa yongs su shes pa'i phyir thar pa thams cad rnam par dag pa yin te/ 'di'i don du bcom ldan 'das rnam par snang mdzad chos kyi 'khor lo
180b₃ skor bar mdzad pa'o/ /bdag tu lta ba rnam pa drug cu rtsa gnyis dang / 'dod chags rnam pa thams cad dang / de'i rnam par dag pa ste/ de kho na la bdag mi dmigs pas rang bzhin med pa'i phyir/ de'i don du spyan ras gzigs kyi dbang phyug gi rgyal po ni pad+ma gar gyi
180b₄ dbang phyug yin no/ /dga' ldan gyi lha thams cad kyi mthar thug pa la 'khor lo dam pa'o/ /rdzu 'phrul gyi cho 'phrul sna tshogs pa'i mchog ni lha'i 'khor lo dam pa'o/ /'di lta ste yang ni rigs kyi bu sangs rgyas thams cad kyi 'dus pa zhes bya ba la 'dus pa ni/
180b₅ tshogs pa'o/ /bde ba can zhes bya ba ni mchog gi dga' ldan te/ rigs kyi bu bde ba can gyi 'jig rten gyi khams lta bu'o/ /dper na bde ba can gyi 'jig rten gyi khams ni de bzhin gshegs pa thams cad 'dus pas brgyan pa'o/ /de bzhin du bcom ldan 'das pad+ma gar
180b₆ gyi dbang phyug dang / dpal rnam par snang mdzad la sogs pa de bzhin gshegs pa gzhal du med pas kun tu bskor bas/ de ni bde ba can gyi 'jig rten gyi khams lta bu ste/ de'i don du pad+ma gar gyi dbang phyug sgrol ba po 'byung ba yin no/ /sbyin pa dang / sbyin pa po
180b₇ dang / len pa po mi dmigs pa'i sbyin pas ser sna spang ba'i phyir don dam par rnam par dag pa de'i don du ser sna can gyi sems can rnams 'khor gsum yongs su dag pa'i ye shes kyis shin tu sbyin pa la sbyor ba yin no zhes bya ba'i don to/ /nyi ma lta bu'i phyag rgya chen po ni nyi

_{iiif viewer powered by OpenSeadragon}

180a - 181a

Texts on this page