rKTs

e-texts navigator

Volume

Page

174b₁ dang / nag por pad+ma rnams kyang gzhag par bya'o/ /de nas de'i mdog ltar gtsug tor dang / chu skyes dang / rin po che dang / rdo rje 'bar ba rnams bya'o zhes bya ba'i don to/ /las kun byed pa bzlas pas ni zhes bya ba ni hU~M gis mngon par bsngags pa'o/ /g.yon
174b₂ pa'i rdo rjes zhes bya ba ni lag pa g.yon pa rdo rje rtse gsum pa can du byas pa'o/ /las kyi 'od kyis rnam par brgyan pa zhes bya ba ni zhi ba la sogs pa'i las kyis ci rigs par 'od kyis rnam par spras pa'o/ /'bar ba'i rnam pas yongs su thim par byas pa'o zhes bya ba la
174b₃ 'bar ba ni lha'am 'bar ba ni gtsigs pa'i gzugs kyis te/ de bzhin du ye shes kyi rang bzhin gyi cho ga bsgom par bya zhing / oM dang po dang / mthar swA hA las mchog tu gnas nas zhi ba dang / rgyas pa dang / dbang la'o/ /mngon spyod la khro ba'i tshig gis hU~M dang
174b₄ bcas pa'i phaT kyis sngags bzla bar bya'o/ thog ma dang tha mar sreg blugs gang bar dbul lo/ kha dgang ba zhes bya ba'i tshig gis ni lha'i zhal gyi pad+mar sbyin sreg bya'o/ /bshang gci la sogs pa'i sreg blugs la sdig pa la sogs pa'i dogs pa mi bya ste/ gang
174b₅ gi phyir don dam par rang bzhin gyis rnam par dag pa'i phyir thams cad rnam par rtog pa tsam mo/ /de nas dbang po gnyis snyoms par zhugs pas kyang lha'i nga rgyal sngon du bya ba dang / thabs dang shes rab ro gcig pa mngon du byed cing zag pa med pa'i ye shes skyed par
174b₆ byed pa'o/ /sku la sogs pa yang dag par bstan par bya ba bka' stsal pa/ bud med dang ni skyes pa'i lus/ las ni du mas bskyed pa zhes bya ba la sogs pa rnam par bstan pa zhes bya bas ni dge ba dang mi dge ba'i las kyi mtshan nyid shes pa'i skyes bu'o/ /sha dang
174b₇ rkang la sogs pa dag ni rnam par snang mdzad dang / mi bskyod pa la sogs pa'i rang bzhin te/ 'di'i phyir bsten par bya'o/ /gang yang 'dod chags zhe sdang zhes bya ba la sogs pa ni/ 'du byed 'phel ba bshang ba dang gci ba la sogs pa lnga yongs su 'dzag pa ni

_{iiif viewer powered by OpenSeadragon}

174a - 175a

Texts on this page