rKTs

e-texts navigator

Volume

Page

173a₁ rje can te/ de'i ye shes ni rdo rje rtse mo las skyes pa'i byang chub kyi sems te/ de'i phyir rdo rje bdud rtsi'i khro bo ni gang du ting nge 'dzin la de de bzhin du brjod do/ /tshogs kyi bdag po'i rkang par bcug pa zhes bya ba ni bdud rtsi thab sbyor gyi rnal 'byor dang
173a₂ ldan pas bsgrub par bya ba'i rkang rjes kyi rdul la de'i gzugs brnyan bong bu'i gcin gyis byas nas mi dge ba'i phyag rgyas byas nas rlung gi dkyil 'khor gyi 'dab ma las sA lu btags par byas pa dang / dur khrod kyi sol bas bsgrub bya'i ming gro ga'i nang du chud par mngon
173a₃ par bris shing / gzugs brnyan lnga rgyab tu bzhag nas rdo rje log par 'dren pa bkug nas mchod de/ de'i rkang pa dag tu gzhug par bya'o/ /de bya'o zhes bya ba ni de srid du sngags kyi mthar hU~M brjod par bya'o/ /gang gi tshe rlung gis bar chad du gyur pa de'i tshe gong du
173a₄ gsungs pa'i rim pas stong pa nyid dmigs nas bdag nyid dpal rnam par snang mdzad kyi gzugs su bskyed pa bka' stsal pa/ rlung gi phyogs su dri nag pos dkyil 'khor gru bzhi par thig le bdun/ ya yig so so'i nang du byas pa ni de'i dbus su thig le bdun po
173a₅ ste/ thig le bdun po 'di rnams las rlung lha bdun la zhon zhing mdog nag po'o/ de la rang gi sa bon las byung ba ni des rang gi snying ga las bton pa ste/ 'phags pa mi g.yo mgon nam/ 'dod pa'i rgyal pos bkug nas zhags pas bcing bar bsam
173a₆ par bya'o/ /de nas kham phor gyis zhes bya ba ni hU~M su~M hU~M zhes bya ba las ri rab kyi gzugs rwa brgyad dang ldan pa bskyed nas/ kha 'og tu phub nas gzhag pa ni rdo rje'i 'ching ba chen po yin no/ /rang gis sngags bzlas pa ni de'i thig le bdun sngags kyis sbas nas
173a₇ dbugs kyis gnas par bya'o/ /de'i steng du yang la~M gyis dbang chen gyi dkyil 'khor gru bzhi pa kha dog ser po'o/ /der yang rtse lnga pa chen po las mtha' yas pa'i 'od zer las khro bo 'jigs par spro bar bya zhing / khro bo rdo rjes mnan par bsgom par bya'o/ /de'i steng du

_{iiif viewer powered by OpenSeadragon}

172b - 173b

Texts on this page