rKTs

e-texts navigator

Volume

Page

172b₁ ba dang sdud par byed pa dag sgom par byed na chos kyi mdzod 'phel bar byed do/ /rang gi snying ga'i pad+ma'i snying por nang du gnas pas bsgrub bya sngags kyi yi ge'i phreng bas byin gyis brlabs te/ sna tshogs rdo rje spyi bor byas nas ji lta ba bzhin du snyoms par 'jug
172b₂ par byed na/ bsrung ba chen po byed par 'gyur ro/ /thams cad dbang du gyur pas rnam par rtog pa med pa dang / dbang du gyur pa la sogs de rnams rtogs par byed pa dang / skyed par byed pa de ni don yod rdo rje can te/ de nyid rdo rje gsum mnyam pa nyid kyis dga'
172b₃ bar byed pa'o/ /rdo rje ni mi phyed pa ste/ gang du ting nge 'dzin de la snyoms par zhugs pas sngags kyi yi ge dmar po phyung ste/ des bsgrub par bya ba dag par bya zhing bzlas pa byas na mngag gzhug par byed do/ /ye shes kyis kun sgrol bas sgrol ma zhes bya ba ni ye
172b₄ shes 'jug par byed ma can no/ /de'i tshe dmigs pa'i phyir de de bzhin du gsungs so/ /ye shes sna tshogs ni 'jig rten las 'das pa'i ye shes sna tshogs te/ rdo rje gshin rje mthar byed la sogs pa'i khro bo rnams de dag nyid kyis gdug pa rnams 'dul ba'i don du ste/
172b₅ de rnams ni gur nyid do/ /mdzes pa ni yan lag dang nying lag dman pa ma yin pa'o/ /srubs med pa ni dum bu gcig pa'o/ /srubs gnyis pa ni dum bu gnyis pa ste/ 'di dag nyid kyi skabs yin pa'i phyir ro/ /rkang pa'i rjes kyi sa rdul gyi cho ga zhes bya ba ni de brjod
172b₆ pa yin te/ gshin rje mthar byed kyi rnal 'byor pa lha mo bzhi'i rnal 'byor dang ldan zhing / de bzhin gshegs pa lngas byin gyis brlabs pas bsgrub par bya ba'i rkang rjes kyi rdul gyis de'i gzugs brnyan byas nas thod pa'i nang du gzhug par bya ste/ de nyid la gzhug pa dang
172b₇ bcing ba byas nas rkang pa g.yon pas de mnan te/ ji srid khugs par gyur pa de srid du bskul ba dang bcas par bzla bar bya'o/ /sku gsum mi phyed bsgom pa yis zhes bya bas ni rang gi lha'i nga rgyal brtan par bsgoms pas so/ /gti mug chen po'i mchog ni don yod rdo

_{iiif viewer powered by OpenSeadragon}

172a - 173a

Texts on this page