rKTs

e-texts navigator

Volume

Page

170a₁ blangs pa'o/ /a sho ka yang yin pa sngon po yang yin pa de ni a sho ka sngon po'o/ /de'i byang phyogs kyi khwa'i tshang ni khwa'i gnas so/ /de las gang zhig byung ba'i myu gu de ni a sho ka sngon po'i byang phyogs kyi khwa'i tshang gi myu gu'o/ /phug ron gyi khong par sro
170a₂ ta any+dza na bcug la/ 'on kyang tsi ta'i mes bsreg par bya ste/ de nas mig sman 'grub par 'gyur ro/ /byi la dkar po ma yin pas bsad pa ni byi la nag po'i khrag gis mi snang bar byas te sbed pa skyed par byed pa'o/ /tri Na'i myu gu sar pa'i tshogs de rnams ni tri Na'i myu gu
170a₃ sar pa'i tshogs rnams so/ /des bteg pa'i sa ni tri Na'i myu gu sar pa'i tshogs kyis bteg pa'i sa'o/ /de'i steng du gnas pa'i sa dang / mda'i rma dang / ta la dang ldan pa'o/ /mda'i rma ni sbrang bu'o/ /ta la ni ldong ros so/ /de dag dang yang dag par ldan pa ni
170a₄ bcas pa ste/ sa rag+ha dang / ta la dang ldan pa'o/ /rgyal la zhes pa ni rgyal gyi nyi ma la'o/ /mig sman ni gong du gsungs pa'o/ /gang zhig sngags dang sman gyi sbyor bas legs par byas na de'i sbyor bas 'grub par 'gyur ro/ /'di dag ni rnal 'byor gyi rgyud las
170a₅ 'ongs pa ste/ de nas b+ha ga'i dbus su bsgrub par bya'o zhes gsungs so/ /dang por phyag rgya byin gyis brlabs nas/ phyi nas mig sman gyi sgrub pa bcug cing sbyor bas ji srid dngos grub kyi mtshan ma ma skyes kyi bar du bsgom par bya'o/ /gang zhig sngags kyi sgrub pa dang
170a₆ bral ba'i mig sman 'di 'ba' zhig gis zhi ba'i las la sogs pa'ang byed do zhes gsungs so/ /mig mig sman gyis byugs nas zhi ba la sogs pa'i lta stangs kyis bltas na zhi ba la sogs par 'gyur ro/ /mig mig sman gyis byugs nas rgyal po la bltas na rgyal po'i
170a₇ mchod pa rnyed par 'gyur ro/ /mig mig sman gyis byugs nas khro bo'i lta bas dgra la bltas na dgra zad par 'gyur ro/ /de bzhin du bgegs thams cad la nges par bltas na gdon la sogs pa'i bgegs thams cad yang dag par skrod par byed do/ /'chad par

_{iiif viewer powered by OpenSeadragon}

169b - 170b

Texts on this page