rKTs

e-texts navigator

Volume

Page

165b₁ cad ni rnam par snang mdzad la sogs pa'o/ /bstod pa ji lta bu zhe na/ rnam par rtog pa med pa rnam par grol bas gzugs brnyan la sogs pa'i rigs pas de bzhin gshegs pa thams cad kyis bstod do/ /gang gi phyir brtan pa dang g.yo ba la sogs pa ma lus pa
165b₂ la stong pa nyid kyi rang bzhin gyis khyab cing brtan pa dang g.yo ba la sogs pa des khyab pas khams gsum rnam par rig pa tsam ste/ de'i phyir sdom pa la sogs pa rnams la lha'i rnal 'byor du gsungs so/ /bcom ldan 'das gal te ci'i slad du de'i rang bzhin thams
165b₃ cad de'i rnam pas 'jig rten pas de rtogs par mi 'gyur ba lags/ bcom ldan 'das kyis bka' stsal pa/ gang gi phyir zhes bya ba ni gtan tshigs so/ /thams cad bdag nyid ces bya ba ni thams cad kyi dngos pos so/ /bdag nyid kyi zhes bya ba ni rang gi'o/ /
165b₄ rnam shes phung por zhes bya ba ni gang zhig rnam par shes pa'i lus la'o/ /gnas pa ni rang rig pa'i sems kyi ngo bo ste/ de'i phyir rmongs pa ni gti mug go/ /skyes bu tha ma ni rig pa can la sogs pa'o/ /rtogs mi nus zhes bya ba ni rmongs pa dang bcas pas
165b₅ mi shes so/ /bcom ldan 'das gal te de mi 'tshal na ji ltar de rnams kyi de kho na 'tshal ba lags/ bka' stsal pa/ sems dang sems byung sems tshul bdag /ces bya ba ni sems can gyi sems kyi ngo bo'o/ /sems zhes bya ba ni thams cad du dngos po'i
165b₆ rang bzhin dge ba'i phung po la sogs pa rig par byed pa'i bdag nyid can gyi 'tsho ba'o/ /ye shes kyi bdag nyid ces bya ba ni thams cad du 'gro ba ste/ de la khyab 'jug gi ye shes kyi bdag nyid skyes bu'o/ /shes bya'i rang bzhin can zhes bya ba ni shed bu dang / shed
165b₇ las skyes dang / tshor ba po dang / byed pa po dang / gnas kyi don dang / rang gi ngo bo can dang byed pa po nyid do/ /dbang phyug tu smra ba rnams ni chos rnams kyi byed par dbang phyug 'dod do zhes zer ro/ /chos can dngos po nyid ces bya ba ni bdag nyid can de nyid grub

_{iiif viewer powered by OpenSeadragon}

165a - 166a

Texts on this page