rKTs

e-texts navigator

Volume

Page

165a₁ ce na/ brtags par ni sngon du bdag po'i nus pa las zhes bya bar dgongs so/ /ci brtags zhe na/ brtags pa kun gyis zhes bya ba ni gzugs la sogs pa rang dbang du sgyu ma lta bu'i ngo bo'o/ /ci'i mtshan nyid rnams las zhen/ rnam rtog med
165a₂ pa'i chos rnams la/ /sems can don ni yongs su brtags/ /zhes pa ni snying rje'i dbang gis sems can gyi don rgyur brtags pa'o/ /de brtags pas cir 'gyur zhe na/ sgra brnyan lta bur mnyam pa nyid/ /ces bya ba la sgra brnyan zhes bya ba ni brag ca'i sgra'o/ /des
165a₃ dbyangs mchog dang mnyam zhing mnyam par dbyangs kyi rjes su 'gro ba dang sgra rnam par rtog pa'i ngo bo dang / shes rab kyi pha rol tu phyin pas de sgra brnyan lta bur mnyam zhing de de ltar gyur par rtog go/ /de ci zhe na/ de nas 'di ni chos ngag byung / /zhes bya ba ni de nas de'i phyir
165a₄ chos las chos kyi don gyi nges pa'i tshig so sor snang ba so sor rig pa ni brtags pa'i ngo bo ste/ de nyid kyi phyir 'di ni dpal rnam par snang mdzad la sogs pa'i dam tshig gsum gsal bar byed pa'o/ /ngag gi chos ni ngag gi dbyangs zhes bya ba'i don no/ /de de ltar
165a₅ gyur ba ni ngag 'byed pa ste/ ngag gi 'di ni de'i de bzhin du brjod do/ /de yang dag pa ma yin pa las grub pa ni chos ngag las grub pa'i phyir ro/ /theg pa dang chen po de ni theg pa chen po ste/ byang chub sems dpa'i lam 'bras bu dang bcas pa'o/ /chen po rnam pa bdun
165a₆ du sbyor ba'i phyir shes rab kyi pha rol tu phyin pa la sogs pa'i mdo sde dag tu grub bo/ /de'i phyir ches khyad par du 'phags pa rdo rje'i theg pa theg pa chen po ni skye ba 'dir sangs rgyas la sogs pa rab tu bsgrub pa'i phyir de'i yon tan dam par gyur pa stobs dang mi 'jigs pa la sogs
165a₇ pa ste/ de rnams kyi tshogs ni rgyas pa ste/ de rnams yon tan dam par gyur pas so/ /dus gsum ni 'das pa dang / ma 'ongs pa dang / da ltar ro/ /dam tshig gsum zhes bya ba ni sku dang gsung dang thugs kyi rang bzhin thams cad do/ /de bzhin gshegs pa thams

_{iiif viewer powered by OpenSeadragon}

164b - 165b

Texts on this page