rKTs

e-texts navigator

Volume

Page

164a₁ rin chen bdag po dang / 'od dpag tu med pa dang / don yod grub pa'i khams rnams su blta bar bya'o/ /sangs rgyas kun gyi mkha' 'gro ma zhes bya ba ni bcom ldan 'das rdo rje sems dpa' la spyan la sogs pas yongs su bskor ba'i nam mkha' la 'gro
164a₂ ba thams cad rdo rje sems dpa'i bdag nyid kyi mkha' 'gro ma dang / de skad du dpal he ru ka la dkar mo la sogs pas yongs su bskor ba'i nam mkha' la 'gro ba thams cad he ru ka'i bdag nyid kyi mkha' 'gro ma dang / de skad du bdag med ma'i rnal 'byor dang ldan
164a₃ pa la rdo rje ma la sogs pas yongs su bskor ba'i nam mkha' la 'gro ba thams cad dang / bdag med pa'i bdag nyid kyi mkha' 'gro ma dang / de skad du ye shes dang ldan pa la rdo rje mkha' 'gro ma la sogs pas yongs su bskor ba'i nam mkha' la 'gro ba thams
164a₄ cad ye shes kyi bdag nyid can gyi mkha' 'gro ma dang / de ltar sgrol ma dang lhan cig pad+ma can dang / pad+ma'i 'khor lo dang / gshin rje'i rgyal po dang / de skad du rta mchog dang / de bzhin du 'jig rten gsum las rnam par rgyal ba nyid dang / gzhan yang yid
164a₅ la 'dod pa yang rigs kyi rab tu dbye bas phye ba la mkha' 'gro mas de bzhin du yongs su bskor ba nyid du brjod do/ /de skad du sangs rgyas kun gyi mkha' 'gro rnams bstan nas/ sdom pa bshad par bya ba'i phyir bde ba zhes bya ba ni gang zhig bcom ldan 'das dpal rdo rje
164a₆ sems dpa'i ye shes kyi phyag rgya dang lhan cig mnyam par sbyor bas gang zhig shin tu bde ba dang ldan par skyed par byed do/ /de las cir 'gyur zhe na/ mchog ni khyad par du 'phags pa ste/ bde ba thams cad kyi thabs phul du byung ba'i phyir ro/ /de nyid kyi phyir sgyu ma
164a₇ thams cad kyi rab tu sbyor ba ste/ de yang gzhan du nyan thos dang / rang sangs rgyas dang mnyam par sbyor bas ni ma yin no zhes bya ba'i don to/ /sangs rgyas thams cad dang mnyam par sbyor ba mkha' 'gro ma'i dra ba'i rab tu sbyor ba nyid kyis gang zhig bde ba bskyed pa de nyid

_{iiif viewer powered by OpenSeadragon}

163b - 164b

Texts on this page